એક હતો ઢીંગો, એક હતી ઢીંગી – પ્રવીણ કે. મહેતા ‘બાલપ્રેમી’

[રીડગુજરાતીને બાળકાવ્યોનું આ સરસ મજાનું પુસ્તક મોકલવા માટે શ્રી પ્રવીણભાઈનો (અમેરિકા) ખૂબ ખૂબ આભાર. આપ તેમનો આ નંબર પર +1 763-559-1460 પર સંપર્ક કરી શકો છો. પુસ્તક પ્રાપ્તિની વિગતો કાવ્યોના અંતે આપવામાં આવી છે.]

[1] મારી ઢીંગલીને

મારી ઢીંગલીને કોઈ ના કાંઈ કહેશો !
એ બેની મારી રમતી હોઈ તો રમવા દેશો.

એને કોઈ ના કાંઈ કહેશો !
ગોરી ગોરી કાયા એની,
ગલગોટાં જેવાં રે ગાલ !
પગલી પાડે નાની નાની,
હાલક-ડોલક એની ચાલ !

એ તો ચાલતી હોય તો બેની, ચાલવા દેજો !
મારી ઢીંગલીને કોઈ ના કાંઈ કહેશો !

પળમાં મારાથી એ રીસાતી,
પણ પળમાં માની જાતી !
એની હરકતોથી બેની !
કોઈ વાર જાતી હું થાકી !

એ મધુરું બોલે તો બેની, જરા બોલવા દેજો !
મારી ઢીંગલીને કોઈ ના કાંઈ કહેશો !

મીની ફ્રૉક ગમે એને,
ગમે સેન્ડલની જોડી !
પહેરીને એ નટખટ,
સઘળે કરે દોડાદોડી !

એ રહે ખુશખુશાલ તો બેની ! રહેવા દેજો !
મારી ઢીંગલીને કોઈ કાંઈ પણ ના કહેશો !
.
વધુ આગળ વાંચો »