Dec 27
2009
નો’તી ખબર – દેવદાસ શાહ ‘અમીર’
પ્રકાર: ગઝલ 
સાહિત્યકાર : દેવદાસ શાહ 
7 પ્રતિભાવો
ડાળ આ વિશ્વાસની તૂટી જશે નો’તી ખબર,
રાહબર મારા મને લૂંટી જશે નો’તી ખબર.
વાસ્તવિકતા આખરે તો વાસ્તવિકતા હોય છે,
કલ્પનાના મહેલ સૌ તૂટી જશે નો’તી ખબર.
એક સરવાળો કર્યો તો બાદબાકી થઈ ગઈ,
વય વધે તો આયખું ખૂટી જશે નો’તી ખબર.
વેદનાની વાડ ઠેકી દોસ્તો મારા બધા,
લાગણીનાં ફૂલને ચૂંટી જશે નો’તી ખબર.
ઠાલવ્યું’તું દિલ અમે દરિયો ગણીને એમને,
આમ પરપોટો થઈ ફૂટી જશે નો’તી ખબર.
એક અમથી વાત એનું કાળજું વીંધી ગઈ,
શબ્દ મારા બાણ થઈ છૂટી જશે નો’તી ખબર.
આ જગતનાં દર્દ પર રડવું હતું મારે ‘અમીર’,
આંખમાંથી આંસુઓ ખૂટી જશે નો’તી ખબર.
« Previous તમારું ધ્યાન દોરું છું – નીતિન વડગામા
નથી હોતા…. – સાહિલ Next »
આપના પ્રતિભાવો
really good feelings.
જો બધી ખબર હોત તો જીવન જીવવાની મજા શી રીતે આવત?
સરસ દર્દભરી રચના,
નયન
ઠાલવ્યું’તું દિલ અમે દરિયો ગણીને એમને,
આમ પરપોટો થઈ ફૂટી જશે નો’તી ખબર.
શિખવા જેવુ!
એક અમથી વાત એનું કાળજું વીંધી ગઈ,
શબ્દ મારા બાણ થઈ છૂટી જશે નો’તી ખબર.
વાણિ કાબુ મા રાખવિ જરુરિ છે..
Its really nice one
Amazing
sarvado karyo to badbaki thai gai
amazing feelings!
Too deep & too good
ભાગવત્-ગીતા નું પઠન કરો. બધું સરસ થઈ જશે.
આવી દેવદાસ ટાઈપ કવિતા ઓ એ જ યુવાધન નો દાટ વાળ્યો છે.