છલોછલ સુરાહી – સુરેશ પરમાર ‘સૂર’
[વડોદરાના નવોદિત ગઝલકાર તેમજ વ્યવસાયે બેંક કર્મચારી એવા શ્રી સુરેશભાઈનું આ પ્રથમ પુસ્તક છે. રીડગુજરાતીને આ પુસ્તક ભેટ મોકલવા માટે શ્રી સુરેશભાઈનો ખૂબ ખૂબ આભાર. આપ તેમનો આ સરનામે soor789@yahoo.co.in અથવા આ નંબર પર +91 265 2656582 સંપર્ક કરી શકો છો. પુસ્તક પ્રાપ્તિની વિગત ગઝલોના અંતે આપવામાં આવી છે. ]
[1] એમની હાજરી
એમની હાજરી, નથી હોતી;
તો દશા પાધરી, નથી હોતી.
કાલની એ ક્ષણો, સતાવે છે;
જે ક્ષણો વાપરી, નથી હોતી.
તું શિખામણ મને, ન એવી દે;
તેંય જે આચરી, નથી હોતી.
એ જ શોધ્યા કરે, ચમત્કારો;
જેમને ખાતરી, નથી હોતી.
તર્કના મુખમાં, મૂકે તરણું;
જો સમજ બાવરી, નથી હોતી.
‘સૂર’ ત્યાં બોલવું, જરૂરી ક્યાં ?
જે સ્થળે શાયરી, નથી હોતી.
[2] મહેકી જવાનું
ચમનમાં પુષ્પ થઈ, મહેકી જવાનું;
પછી પણ ત્યાં, નથી અટકી જવાનું.
હસીને વાત, ના ટાળો અમારી;
અમોને લાગશે, ‘છટકી જવાનું.’
બને કે, હાથમાંથી હાથ છૂટે;
ભલે હો ખ્વાબમાં, ચમકી જવાનું.
તમે જુઓ મને, નિરપેક્ષ ભાવે;
હૃદયને એ જ બસ, ખટકી જવાનું.
કશું પાકું નથી, ‘સૂર’ આવવાનું;
હકીકત એ જ કે : ‘નક્કી જવાનું’.
[3] નવોદિત શાયર
મને એક શાયર, નવોદિત ગણી લો;
ચલો એમ નહીં તો, યથોચિત ગણી લો.
ઋચાઓ સમા, શેરનાં ગાન કરતો;
કોઈ શબ્દ-કાંડી-પુરોહિત, ગણી લો.
શબદમાંય અજવાસ, જોવાનો હો ત્યાં;
પ્રથમથી તમસને, તિરોહિત ગણી લો.
દીસે સાથિયા જેવું, જો કાફિયામાં;
ગઝલની હવેલી, સુશોભિત ગણી લો.
કરે મુગ્ધ-ભાવે, કશી વાત જ્યારે;
તમે ‘સૂર’ને ત્યાં, સંમોહિત ગણી લો.
[કુલ પાન : 104. કિંમત રૂ. 100. પ્રાપ્તિસ્થાન : રન્નાદે પ્રકાશન. 58/2, બીજો માળ, જૈન દેરાસર સામે, ગાંધી રોડ. અમદાવાદ-380001. ફોન : +91 79 22110081. ઈ-મેઈલ : rannade_2002@yahoo.com ]
Print This Article
· 
Save article As PDF · 
Subscribe ReadGujarati
ખુબ સરસ ગઝલ
ચમનમાં પુષ્પ થઈ, મહેકી જવાનું;
પછી પણ ત્યાં, નથી અટકી જવાનું
તમે જુઓ મને, નિરપેક્ષ ભાવે;
હૃદયને એ જ બસ, ખટકી જવાનું.
તું શિખામણ મને, ન એવી દે;
તેંય જે આચરી, નથી હોતી.
ખુબ સુદર
“ઋચાઓ સમા, શેરનાં ગાન કરતો;
કોઈ શબ્દ-કાંડી-પુરોહિત, ગણી લો.”
ત્રણે રચનાઓ ખૂબ સુંદર થઈ છે.
આ શેર તો ખૂબ જ ગમ્યા–
કાલની એ ક્ષણો, સતાવે છે;
જે ક્ષણો વાપરી, નથી હોતી.
હસીને વાત, ના ટાળો અમારી;
અમોને લાગશે, ‘છટકી જવાનું.’
દીસે સાથિયા જેવું, જો કાફિયામાં;
ગઝલની હવેલી, સુશોભિત ગણી લો.
સંગ્રહનું મુખપૃષ્ઠ જાણે ગઝલની હવેલીને સુશોભિત કરે છે.
અભિનંદન !
હું પણ વડોદરાનો છું, ક્યારેક મળીશું.
તુરન્ત પુસ્તક લૈ ને વાન્ચિ લેવા મન કરે તેવિ સુન્દર રચ્ના.. ખુબ સરસ્
મને લાગ્યુ કે તમ આપણા વડોદરાના કવિ તથા ગઝલકાર “બેફામ્” સમાન ને મારા મત મુજબ તો એનાથેી પણ ઉન્ચા દરજ્જા ના છો…ખુબ જ સરસ….
લાગે છે કે મિત્ર અભિષેકભાઇએ હજુ ” બેફામ ” સાહેબને પુરા વાંચ્યા નથી…
સાચેી વાત પિયુશભાઇ સાચે જ સુરેશભાઇ નુ પુસ્તક વાચવુ જ પદ્શે,
બોવ સરસ સુરેશભાઇ
ખૂબ સરસ રચનાઓ
આ પંક્તીઓ વધુ ગમી
ઋચાઓ સમા, શેરનાં ગાન કરતો;
કોઈ શબ્દ-કાંડી-પુરોહિત, ગણી લો.
શબદમાંય અજવાસ, જોવાનો હો ત્યાં;
પ્રથમથી તમસને, તિરોહિત ગણી લો.
‘સૂર’ ત્યાં બોલવું, જરૂરી ક્યાં ?
જે સ્થળે શાયરી, નથી હોતી.
……………………………
સુંદર પુસ્તક અને મજાની ગઝલ સુરાહી.
ખૂબ જ અભિનંદન.
રમેશ પટેલ(આકાશદિપ)
ખુબ સુન્દર ,ક્યા બાત શાયર બહુત
આવી સરસ ગઝલ બદલ સુરેશભાઈને અભિનંદન.
સુરેશભાઈનો આ ગઝલ સંગ્રહ વાંચવો જ પડશે.
ખરેખર સુંદર રચનાઓ. ત્રણેત્રણ ગઝલ સરસ.
ાભિનંદન,
નયન
સારિ લાગિ
બેન્કની શુષ્ક વાતાવરણ જેવી આબોહવામાં ગઝલનો છોડ ફુટી નીકળવો એ આશ્ર્ચયૅજનક ઘટના છે.
સુરેશભાઈ,
ખુબ સરસ..
અભિનંદન..!
તું શિખામણ મને, ન એવી દે;
તેંય જે આચરી, નથી હોતી.
એ જ શોધ્યા કરે, ચમત્કારો;
જેમને ખાતરી, નથી હોત
રાજુ નાગર
તર્કના મુખમાં, મૂકે તરણું;
જો સમજ બાવરી, નથી હોતી.
ખુબ સુન્દર
ખુબ સરસ
સુરેશભાઈ,
ખૂબ જ સચોટ ગઝલો આપી. મસ્ત કલ્પનાઓ. આભાર.
કાલિદાસ વ. પટેલ {વાગોસણા}