કઈ રીતે કૂદી જાઉં ? – ડૉ. કિશોર મોદી

[‘વિચારવલોણું’ સામાયિકમાંથી સાભાર.]

ભૂલવા સમું બધું ભૂલી જાઉં,
એવી કૈં પળ થઈ ઝૂલી જાઉં.

મોગરે મઘમઘી જઈ પાછો,
ભીતરે ઘડીકમાં ડૂબી જાઉં.

આમ તો તક અપાર મળી છે,
થાય કે વિહગ થૈ ઊડી જાઉં.

આયખું અમૃતભર્યું મળ્યું છે,
એ સ્મરી સ્મરી હું યે ઝૂમી જાઉં.

બ્હાર નીકળવું છે, પૂછું તેથી
બિંબથી કઈ રીતે કૂદી જાઉં ?

તારી યાદ લઈ ઘૂમું કિશોર,
નામને હરપળે ચૂમી જાઉં.

Leave a Reply to Vishal Rupapara Cancel reply

Your email address will not be published. Required fields are marked *

       

10 thoughts on “કઈ રીતે કૂદી જાઉં ? – ડૉ. કિશોર મોદી”

Copy Protected by Chetan's WP-Copyprotect.