બદલી જો – હર્ષ બ્રહ્મભટ્ટ

[‘શબ્દસૃષ્ટિ’ એપ્રિલ-2011માંથી સાભાર.]

હાથની તું લકીર બદલી જો,
મનની પેઠે શરીર બદલી જો.

છે બધા મોહતાજ પૈસાના,
કોઈ અસલી ફકીર બદલી જો.

લાગશે સર્વ ગયું બદલાઈ,
માત્ર દષ્ટિ લગીર બદલી જો.

તુંય સ્પર્શે તો થૈ જશે કંચન,
છોડ આળસ, કથીર બદલી જો.

હોય હિંમત, બદલ દિશા તારી,
કાં પછી આ સમીર બદલી જો.

કૈં જ વ્હેલું કે કૈં નથી મોડું,
છે ફક્ત મન અધીર, બદલી જો.

ના રહે માગવાપણું સ્હેજે,
ઓ હૃદય ! દાનવીર બદલી જો.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous કચ્છનું પાણી – અમૃત ‘ઘાયલ’
વેદનાની આરપાર નિહાળેલો આનંદ – ભૂપત વડોદરિયા Next »   

11 પ્રતિભાવો : બદલી જો – હર્ષ બ્રહ્મભટ્ટ

  1. Abhishek says:

    અરે ખરેખર સીધે સીધુ હ્રદયને જ સ્પર્શી જાય તેવી રચના…ખરેખર સુન્દર્…. આજની સવાર સોનેરી બની ગઇ……

    • GG HERMA -GANDHINAGAR says:

      ના રહે માગવાપણું સ્હેજે,
      ઓ હૃદય ! દાનવીર બદલી જો.
      આ અતિ સરસ બે કડી મા ઘણુ બધુ કહિ જાય છે દાનવીર તો ભગવાન જ હોય શકે

      જી.જી.હેરમા
      ગાધીનગર

  2. pragnaju says:

    તુંય સ્પર્શે તો થૈ જશે કંચન,
    છોડ આળસ, કથીર બદલી જો.
    સ રસ ગઝલના આ શેર વધુ સરસ
    કવિ બ્રાઉનિંગે એવું જ કહ્યું છે, ‘ઈશ્વર આકાશમાં વિરાજમાન છે અને દુનિયા બધી બરાબર ચાલે છે.’ દુનિયામાં કશું બગડેલું નથી. બગડ્યું હોય તો મારી દષ્ટિ બગડી છે. જેવી મારી દષ્ટિ તેવી સૃષ્ટિ. હું લાલ રંગનાં ચશ્માં પહેરું તો સૃષ્ટિ લાલ દેખાશે, ભડકે બળતી હોય એવી દેખાશે. આ સૃષ્ટિ શુભ છે એવી મનને ખાતરી નહીં થાય તો ચિત્તની એકાગ્રતા પણ નહીં થાય. સૃષ્ટિ બગડેલી છે એવું જ્યાં સુધી મને લાગે છે ત્યાં સુધી વહેમનો માર્યો હું ચારેકોર નજર ફેરવ્યા કરીશ. આખી દુનિયા ભક્ષક છે એવી બિહામણી કલ્પના જેના મનમાં ઘર કરી ગઈ છે,
    લાગશે સર્વ ગયું બદલાઈ,
    માત્ર દષ્ટિ લગીર બદલી જો.

  3. Hitesh Mehta says:

    મન ની વાત ના સ્વિકાર તુ અમલ કરી તુ બદલી જો…..
    ખુબ સરસ..

  4. Jigisha says:

    કૈં જ વ્હેલું કે કૈં નથી મોડું,
    છે ફક્ત મન અધીર, બદલી જો.

    ખુબજ સાચી વાત કહી……

  5. JAWAHARLAL NANDA says:

    છે બધા મોહતાજ પૈસાના,
    કોઈ અસલી ફકીર બદલી જો

    nice shot

  6. Jitendra Brahmbhatt says:

    ઓછા અને સરળ શબ્દોમાં ઘણુંબધું કહેતી રચના
    – જિતેન્દ્ર બ્રહ્મભટ્ટ

  7. kazi Harun says:

    ગઝલ મજાની.

  8. kamal shah says:

    very heart touching gazal

  9. Meena Mehta says:

    Very nicely written. Very happy to read some sensible literature.

  10. કાલિદાસ વ. પટેલ {વાગોસણા} says:

    હર્ષભાઈ,
    હર્ષ બધું લાગશે નવતર મજાનું
    તું માત્ર તારા વિચાર બદલી જો.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :