આખી દુનિયામાં…. – બરકત વીરાણી ‘બેફામ’
આખી દુનિયામાં બિચારાં એક તું ને એક હું,
એક બીજાના સહારા એક તું ને એક હું.
જેની વચ્ચેથી વહે છે પ્રેમનો એક જ પ્રવાહ,
એ નદીના બે કિનારા એક તું ને એક હું.
ચાંદસૂરજને ય ઈર્ષા થાય છે જેની કદી,
બે જ છે એવા સિતારા એક તું ને એક હું.
એકબીજાની તરફ ઢળીએ છતાં મળીએ નહીં,
ઝૂલતા એવા મિનારા એક તું ને એક હું.
બાગ એક જ, વાસ એક જ, રંગ એક જ, એ છતાં,
નોખેનોખા ફૂલાક્યારા એક તું ને એક હું.
બાકીની બેફામની ગઝલો રે કે ન રહે,
રહી જશે બે શેઅર સારા એક તું ને એક હું.
Email This Article
· 
Print This Article
· 
Save article As PDF · 
Subscribe ReadGujarati
« Previous હું ? – કરસનદાસ લુહાર
ધરતીના સાદ – નાથાલાલ દવે Next »
બેફામ એટલે ઊંડાણ અને સાદગીનું મિલન…
એમની ગઝલમા એક શેર વિનયપૂર્વક ઉમેરું છું –
કાન તારા વનરાવનમા વિચરતા
બે પ્રેમી વણજારા એક તું ને એક હું
Very very good poem.
मे बचपनसे तुम्हारी गजल का आसिक हु किंतु रिएकशन पहेलीबार दे रहा हु बस गजल सर्जते रहो हम आनंद लेते रहे
બેફામસાહેબ,
મજાની ગઝલ આપી.
‘બેફામ’ ભલેને થાય પ્રલય આ પૃથ્વી તણો,
બસ બચે બે – કવિ અને વાંચકઃ એક તું અને હું !
કાલિદાસ વ. પટેલ {વાગોસણા}