બહેનડી – પ્રવીણભાઈ કે. મહેતા ‘બાલપ્રેમી’
[ સૌ વાચકમિત્રોને રક્ષાબંધનપર્વની શુભકામનાઓ. ભાઈ-બહેનના આ પવિત્રપર્વ નિમિત્તે પ્રસ્તુત છે વ્હાલી બહેનડી માટેનું આ બાળગીત, જે ‘એક હતો ઢીંગો, એક હતી ઢીંગી’ પુસ્તકમાંથી સાભાર લેવામાં આવ્યું છે.]
મને વ્હાલી મારી બહેનડી નાની,
રૂપે રંગે એ તો કેવી મજાની !
નયન નમણેથી અમીની ધારા વહે !
મુખડું મનોહર સદા હસતું રહે.
એનાં કંઠે ગુંજે નિત ગીતો રસાળાં !
સાંભળી એ હું ભૂલું દુઃખડાં સારાં !
એનાં ગોરાં ગાલે હું થીપકી દઉં ધીરી,
એનાં દૂર જતાં મુજ આંખ થાય અધીરી !
મુજ આંગણ-બાગ, એ ફૂલની ક્યારી !
પેલી પગલી પડે જુઓ નાની ન્યારી !
એ વિશ્વશાંતિ કેરો સંદેશ લાવે,
દેવદૂત શી એ મુજને શાને રે ન ભાવે ?
Email This Article
· 
Print This Article
· 
Save article As PDF · 
Subscribe ReadGujarati
« Previous ગઝલ – રશીદ મીર
હરિ-ગીત – ભગવતીકુમાર શર્મા Next »
0 પ્રતિભાવ : બહેનડી – પ્રવીણભાઈ કે. મહેતા ‘બાલપ્રેમી’