પંખી – ડૉ. સિલાસ પટેલિયા

પલળી ગયેલી પાંખે
આ ધોધમાર વરસાદમાં
હવે પંખીને ઊડવું નથી
પાણીમાં બૂડવું ય નથી
માળામાં ય ક્યાં પવન ટકવા દે છે ?
વંટોળ તાણી લાવે છે જળ
જળ અનરાધાર ઝીંકાય છે વૃક્ષ પર
દબાઈ દબાઈ લપાઈ લપાઈ
પંખી આ ઝીંક ઝીલે તો કેટલી ઝીલે ?

મગના દાણા જેવી આંખ ઊંચી કરી
પંખીએ આકાશ ભણી માંડી
તેજ નથી છે ભેજ !
વરસાદને વાળવા આંખ કઈ રીતે મથે ?

પંખીએ પાંખ ખંખેરી, માથું ધુણાવ્યું
ને ધોધમાર વરસાદમાં ઊડવા માંડ્યું-
હવે વરસાદ તો નથી
છે વરસાદથી ભરેલું આકાશ !

પહાડ વટાવવાનો છે
વન વીંધવાનું છે
દરિયા પર થઈ પછી આગળ….

પહાડ વન ને દરિયાને પાંખમાં ભરી
પંખી જાય….એ જાય…. દૂર દૂર…..

અહીં ધોધમાર વરસાદમાં
જળ વચ્ચે ફસાયેલો હું યે
પંખીની જેમ હામ ભીડું છું….

એક નાનકડું પંખી જેવું પંખી
મને આટલી બધી હામ આપશે
એવું મેં કદી ધારેલું ?


· ·  Save article As PDF ·   Subscribe ReadGujarati

  « Previous હરિ-ગીત – ભગવતીકુમાર શર્મા
શોખીન બિલાડી – પુષ્પા અંતાણી Next »   

6 પ્રતિભાવો : પંખી – ડૉ. સિલાસ પટેલિયા

  1. Preeti says:

    એક નાનકડું પંખી જેવું પંખી
    મને આટલી બધી હામ આપશે
    એવું મેં કદી ધારેલું ?

    —– ખુબ જ સરસ

  2. deeshit says:

    સરસ ખુબ મઝા આવેી

  3. varsha says:

    i wish… i would one bird………

  4. DEEPAK says:

    અતીસુંદર

  5. Jayshree says:

    પેલા પન્ખિને જોઇએ મને થાય
    એના જેવેી જો પાખ મલિ જાય્
    હુ ર્તો આભલે ઊડયા કરુ.
    ..

આપનો પ્રતિભાવ :

Name : (required)
Email : (required)
Website : (optional)
Comment :

       

Copy Protected by Chetan's WP-Copyprotect.