દિલ – અદમ ટંકારવી

August 21st, 2011 | પ્રકાર : ગઝલ | સાહિત્યકાર : અદમ ટંકારવી | 8 પ્રતિભાવો »

દિલ મેં દીધું આપને દીઠા વિના
મંઝીલે પહોંચી ગયો રસ્તા વિના

એમનાં દર્શન થયાં મોકા વિના
સ્વપ્ન એક જોયું હતું નિદ્રા વિના

કોઈ માને કે ન માને સત્ય છે
ચાંદ જોયો છે અમે ડાઘા વિના

આપણે પણ મૌનનો દરિયો હવે
પાર કરીએ શબ્દની નૌકા વિના

જાય છે ક્યાં ઘરની દીવાલો બધી
આજ અમને કાંઈપણ પૂછ્યા વિના

કોણ અચાનક આવ્યું ઘરમાં અદમ
કેમ અજવાળું થયું દીવા વિના ?

Email This Article ·

Print This Article ·

Save article As PDF ·

Subscribe ReadGujarati

« Previous ખબરઅંતર – રમેશ આચાર્ય

કૃષ્ણ અને માનવસંબંધો – હરિન્દ્ર દવે Next »

આ પ્રકારનું અન્ય સાહિત્ય:

સરગવા – ભગવતીકુમાર શર્મા

હણાયા બધા મારા કૂણા સરગવા; તમે આવીને પાછા રોપો સજનવા ! હયાતી વિકલ્પોનો પર્યાય લાગે; હું પેલો છું, આ છું, ફલાણો છું અથવા. સતત દોડતો સૂર્યની પૂંઠે પૂંઠે; થયો છે શું પડછાયાને પણ હડકવા ? કરો પ્રાર્થના સૂર્ય ઢંકાઈ જાયે; મૂકી છે મેં તડકામાં છાતી પલળવા ! મને મારા પર પણ ન પડતો ભરોસો; સૂણું છું હું મારે વિશે કંઈક અફવા !
ગઝલ – ચંદ્રેશ મકવાણા

એક પરપોટો ફૂટ્યાની દાઝમાં નાવ ખટકી ગઈ નદીની આંખમાં. એટલી ડાળો ઉપર છે બેસણાં જેટલાં ફૂલો છે આ ફૂલછાબમાં શું ભૂલ્યો છું એય ભૂલી જાઉં હું ભૂલવું જો હોય મારા હાથમાં. એકપણ શેઢો સલામત ના રહે એટલાં છીંડાં પડ્યાં છે વાડમાં. હાશ ! આવી શ્વાસને અડકી જ ત્યાં ! અંત પલટાઈ ગયો શરૂઆતમાં
આંખો – વજુભાઈ પુનાણી ‘સુસ્તી’

અરીસામાં જવાની જોઈને, હરખાય છે આંખો, બુઢાપામાં અરીસો એ જ, ને કરમાય છે આંખો. પ્રણયમાં તો પ્રથમ મળતા નયન, ને દિલ પછી મળતા બિડાયેલી ભલે પાંપણ, છતાં પરખાય છે આંખો. વિરહમાં દિલ બળે તો, આગ ક્યાં દેખાય છે યારો, અગન એ, ઠારવા માટે જ, તો છલકાય છે આંખો. જરા નમણાશ ભાળે ત્યાં, હૃદય ધબકાર ચૂકે છે, દશા દિલની બરાબર જાણતી, મલકાય છે આંખો. નજર નજરાઈ જાતા કોણ, ‘સુસ્તી’ ... [વાંચો...]