તું નીરખને ! – ભગવતીકુમાર શર્મા

[‘ઉદ્દેશ’ સામાયિકમાંથી સાભાર.]

હૃદયમાં જ તારા પ્રથમ તું નીરખને !
પછી દસ દિશામાં પરમ તું નીરખને !

અગમ તું નીરખને ! નિગમ તું નીરખને !
દ્યુતિની ઝલક ચારેગમ તું નીરખને !

મળ્યો છે તને તે ધરમ તું નીરખને !
આ કાગળ, આ ખડિયો, કલમ તું નીરખને !

હવે ક્ષણનું છેટું એ અપરાધ તારો;
આ લીલા અકળ એકદમ તું નીરખને !

છે પીડાના સણકા હજી કષ્ટપ્રદ, પણ
રુઝાઈ રહેલા જખમ તું નીરખને !

છે તરણાં સમા અન્યના દોષ કિન્તુ,
શિલા જેવું તારું અહમ તું નીરખને !

અટકશે કશું પણ ન તારા વિના યે;
ગતિનો સનાતન નિયમ તું નીરખને !


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous ગીત – મનોહર ત્રિવેદી
એક ઈચ્છા – કલાપી Next »   

1 પ્રતિભાવ : તું નીરખને ! – ભગવતીકુમાર શર્મા

  1. Jay Shah says:

    વાહ…. સરસ કાવ્ય વાંચવા માં આવ્યુ… પોતાના પર નજર રાખવાની અને બીજ પર ન જોવાની સરસ સમજ પાડતું આ કાવ્ય છે…

    છે તરણાં સમા અન્યના દોષ કિન્તુ,
    શિલા જેવું તારું અહમ તું નીરખને !

આપનો પ્રતિભાવ :

Name : (required)
Email : (required)
Website : (optional)
Comment :