જે ઠર્યું અંતરે…. – હરિકૃષ્ણ પાઠક

ખલકમાં ખેલતો ખટઘડીમાં રમ્યો
તું જ નરસિંહ ને તું જ મહેતો;
શિવકૃપાએ કરી તલ-અતલ ઊઘડ્યાં,
નિજ ગગનમાં સદા મગન રહેતો.

જીવ થકી શિવ થયો, હાથ બાળી રહ્યો,
રાસલીલા ભલી તેં નિહાળી,
ગૂર્જરી વાણમાં તેજ એવાં ભર્યાં
કવિકુલો કંઈ રમ્યા દેઈ તાળી.

ઝૂલણે ઝૂલતાં, જાતને ભૂલતાં
શબ્દનાં શિખર કંઈ ઊર્ધ્વ સ્થાપ્યાં
પ્રેમરસ પિચ્છધરનો ધર્યો સર્વને
જૂઠડા ઝળહળાટો ઉથાપ્યા.

ખટઘડીનો કશો અંશ હજ્જારમો
પળ-વિપળ જેટલો કંઈક લાધે… ?
જીવ આ દુન્યવી વિવિધ રંગે રમે,
ભોગવે પીડ-આનંદ સાધે.

કંઈ ન દાવા-દુવી માંડવા છે અહીં,
આપમેળે થયું જે-કર્યું છે;
ઠીબમાં ચાંગળું જળ જરી રેડતાં,
જે ઠર્યું અંતરે એ ધર્યું છે.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous એક પ્રોમિસ – હરીષ થાનકી
હરિગીત – રવીન્દ્ર પારેખ Next »   

6 પ્રતિભાવો : જે ઠર્યું અંતરે…. – હરિકૃષ્ણ પાઠક

  1. કંઈ ન દાવા-દુવી માંડવા છે અહીં,
    આપમેળે થયું જે-કર્યું છે;
    ઠીબમાં ચાંગળું જળ જરી રેડતાં,
    જે ઠર્યું અંતરે એ ધર્યું છે.

    આ ગમ્યું.

  2. Kabeer says:

    Very Nice poem and really amusing.

    i like this live very much :
    કંઈ ન દાવા-દુવી માંડવા છે અહીં,
    આપમેળે થયું જે-કર્યું છે;

  3. Gulhasan says:

    પકડો કલમ ને હાથ આખે આખો બળે એમ પણ બને…

  4. pragnya bhatt says:

    લાગે જાને નર્સિન્હ મહેતાને સાન્ગોપાન્ગ કવિતમા લઈ આવ્યા.બહુ જ્ સરસ.ાભિનન્દન્

    પથક સહેબ્.

  5. કાલિદાસ વ. પટેલ {વાગોસણા} says:

    હરિકૃષ્ણભાઈ,
    નરસૈયાના ગીતના પ્રતિકાવ્યમાં નરસૈયાનાં કામોનાં વખાણ સુપેરે કરીને આપે કમાલ કરી. આભાર.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :