હૈયું થરથરે છે ! – કુતુબ આઝાદ

[‘ભૂમિપુત્ર’ સામાયિકમાંથી સાભાર. જેમણે માણસને વૈચારિક ગુલામીમાંથી આઝાદી અપાવવા માટે પોતાનું આખું જીવન સંદેશમય બનાવ્યું એવા મહાત્મા ગાંધીને આજે ગાંધી જયંતિ નિમિત્તે કોટી કોટી વંદન.]

નિત નિત નવા પ્રપંચો માણસ અહીં કરે છે,
ઈશ્વરને માનનારા ઈશ્વરને છેતરે છે.

વસ્તીનો આ વધારો ભરખી જશે જગતને,
પોતાનો નાશ લોકો પોતે જ નોતરે છે.

માનવસ્વભાવ એવા વિકૃત થઈ ગયા છે,
ફૂલોની છે જરૂરત કાંટાઓ પાથરે છે.

મસ્જિદ ને મંદિરોમાંયે સ્વાર્થ સાધવા છે,
દેખાવ દંભ કરવાને પ્રાર્થના કરે છે.

દોલતની ભૂખ માટે છે દોડધામ આજે,
જ્યાં જ્યાં નજર પડે ત્યાં સ્વાર્થ વિસ્તરે છે.

દિલના દયાળુઓ પણ નિષ્ઠુર થઈ ગયા છે,
આપીને રોજ જખ્મો, જખ્મોને ખોતરે છે.

પૈસો ને પાપ બન્ને ચાલે છે એક સાથે,
‘આઝાદ’ મારું હૈયું ક્યારેક થરથરે છે.

Leave a Reply to Hitesh Mehta Cancel reply

Your email address will not be published. Required fields are marked *

       

12 thoughts on “હૈયું થરથરે છે ! – કુતુબ આઝાદ”

Copy Protected by Chetan's WP-Copyprotect.