ભણેશરી પ્રિયાને – નવીન જોશી

[‘ફિલિંગ્સ’ દીપોત્સવી અંકમાંથી સાભાર.]

થોથાને મૂકી દ્યો ઊંચા
સાહેબી, આંખ્યુની લિપિ ઉકેલો તો સાચા
થોથાને મૂકી દ્યો ઊંચા

વાંચી વાંચીને તમે એટલું વાંચ્યું કે પ્રેમમાં ય કાઢવાના ભૂલ !
જોડણીની કોઈ ભૂલ થાય નહિ તેથી મેં આપ્યું ગુલાબનું ફૂલ,
કોણે દીધું છે એ ફૂલને જ પૂછો તો ફૂલને ય ફૂટવાની વાચા
થોથાને મૂકી દ્યો ઊંચા…

બી.એ. થાશો, પછી એમ.એ. થાશો, પછી થાશો તો થાશો ડૉક્ટર
બીજું તો કાંઈ નહિ આંખમાંથી નીકળે એ આંસુને કહેશો ‘વોટર’ !
બે હાથ જોડી વિનવે છે આપને હજી ય વળી જાવ પાછા
થોથાને મૂકી દ્યો ઊંચા….

પુસ્તકમાં બહુ બહુ તો મહાભારત હોય, કાં તો કોકની રામાયણ હોય
કાલિદાસ હોય, નાટક ચેટક હોય એકાદી વાર્તાની પારાયણ હોય
એની એકાદી વાતનો અમલ ના થાય તો રહી જાશો કુંવારા કાચા
થોથાને મૂકી દ્યો ઊંચા….


· Print This Article Print This Article ·  Save article As PDF ·   Subscribe ReadGujarati

  « Previous ઝળહળ ઝાકળ – મહેન્દ્ર છત્રારા
અત્તર રહી જાય નહીં ફૂલમાં !!! – કૃષ્ણ દવે Next »   

5 પ્રતિભાવો : ભણેશરી પ્રિયાને – નવીન જોશી

  1. અતિ સુંદર કાવ્ય.

  2. સુન્દેર કાવ્ય.ખુબ ખુબ અભિનન્દન્.
    વસ્ત્વિક્તાનુ કાવ્યમા નિરુપન થયુ હોય તેમ બને.ખુબ જ સુન્દર.

  3. Nikunj Trivedi says:

    અભિનન્દન , ખુબજ સરસ કવિતા.

  4. P.K.Davda says:

    એક અનોખી રજૂઆત. ખૂબ જ સરસ.

  5. કાલિદાસ વ. પટેલ {વાગોસણા} says:

    નવીનભાઈ,
    ભણેશરી પ્રિયાને જબરી શિખામણ આપી !– આંખ્યુંની લિપિ ઉકેલો તો સાચા!– વાહ.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :

       

Copy Protected by Chetan's WP-Copyprotect.