નન્નો – કાન્તિ કડિયા
[‘બાલમૂર્તિ’ સામાયિક ડિસેમ્બર-2011માંથી સાભાર.]
વાતવાતમાં મમ્મી આજે કચકચ ના કરીશ,
કાયમ તું તો નન્નો ભણતી મુજને ચડતી રીસ.
બેસું જો હું તકિયા ઉપર
કહેતી : તકિયો પડશે.
લખવા માટે પેન લઉં તો
કહેતી : પપ્પા લડશે.
શીખવું મારે એબીસીડી, ક્યારે હું લખીશ ?
વાતવાતમાં મમ્મી આજે કચકચ ના કરીશ.
હોડી હોડી રમવા માટે
છાપું જેવું લીધું,
લીધું એવું મમ્મી તેં તો
લેસન કરવા કીધું.
આજે મુજને રમવા દે તું, કાલે હું લખીશ.
વાતવાતમાં મમ્મી આજે કચકચ ના કરીશ.
ઘડિયા મોઢે કરવા માટે
જેવો હું બેસું,
બેબી ઊઠશે : એવું કહીને
અટકાવે છે તું.
રમું, લખું કે વાંચું તોયે કરતી ચીસાચીસ
વાતવાતમાં મમ્મી આજે કચકચ ના કરીશ.
Save article As PDF · 
Subscribe ReadGujarati
« Previous માતૃભાષા – પન્ના નાયક
ખુબ જ સરસ કાવ્ય. ખરેખર બાળકના મનની સ્થિતીને વાચા આપતું બાળ કાવ્ય
કાન્તિભાઈ,
સુંદર ગેય અને માબાપને સાચી શિખામણ આપતુ મજાનું બાલગીત. આજકાલ આવાં ગાઈ શકાય તેવાં બાલગીતોનો દુકાળ છે ત્યારે આવાં બાલકાવ્યો આપતા રહેશો.
કાલિદાસ વ. પટેલ { વાગોસણા }
Wah
su kvita 6e…..