પુષ્પનો પગરવ – ઉર્વીશ વસાવડા

[ તાજેતરમાં પ્રકાશિત થયેલ ‘પુષ્પનો પગરવ’ ગઝલસંગ્રહમાંથી પ્રસ્તુત ગઝલો સાભાર લેવામાં આવી છે. રીડગુજરાતીને આ પુસ્તક ભેટ મોકલવા માટે ડૉ. ઉર્વીશભાઈ વસાવડા (જૂનાગઢ)નો ખૂબ ખૂબ આભાર. આપ તેમનો આ નંબર પર +91 9824295259 સંપર્ક કરી શકો છો. પુસ્તક પ્રાપ્તિની વિગત અંતે આપવામાં આવી છે.]

[1]
નિહાળે છે તું આ બધી જે સજાવટ,
ખરેખર સમયની જ છે એ બનાવટ.

અદબ શ્વાસની જાળવી છેતરાયા,
ખબર ક્યાં હતી એ નીકળશે નપાવટ.

લખે રેત પર તું ભલે ઓટ વેળા,
હશે કાલ ભરતી, ભૂંસાશે લખાવટ.

કરી સાવ સરભર હિસાબો, નીકળશું,
ન બાકી હશે ચોપડે કૈં પતાવટ.

હવે રંગ ભગવો ફક્ત ચીતરું છું,
નથી શક્ય એમાં કશી પણ મિલાવટ.

[2]
જાળવેલો ભેદ જન્મોનો ઉઘાડો થઈ જશે,
એક ક્ષણમાં જાત જ્યારે પણ ધૂમાડો થઈ જશે.

એક રેખા દોરતી વેળા ખબર એ ક્યાં હતી,
આપણી સઘળી સફરનો એ સીમાડો થઈ જશે.

એક આ મનની સ્થિતિનો તાગ પામી લે તરત,
તાપ જો વધશે સ્મરણનો તો નિભાડો થઈ જશે.

કાચ માફક લાગણીને સાચવી રાખો છતાં,
એક પણ કારણ વિના એમાં તિરાડો થઈ જશે.

એક સાંકળ ખોલવામાં આયખું વીતે અગર,
શું કરીશું, બંધ જો સઘળાં કમાડો થઈ જશે ?

[3]
કુદરત પણ માંડે ગાવાને એવું લખશું,
દીપ પ્રગટશે પાને પાને એવું લખશું.

દરિયો છે, ઝંઝાવાતો ઊઠતા રહેવાના,
ચડે ઝાંઝવા પણ તોફાને એવું લખશું.

એ તિખારો મૂકી કલમ પર ફૂંક મારશું,
આગ લાગશે ભરી સભાને એવું લખશું.

ચ્હેરાથી ના ભલે ઓળખે કોઈ મને પણ,
શબ્દો વાંચી તરત પિછાને એવું લખશું.

બ્હાર ભલે ના કોઈ સ્વીકારે મારી વાતો,
સંમત હો સહુ અંદરખાને એવું લખશું.

એમ નથી કે લખશું કાયમ કડવી વાણી,
થોડું થોડું ગમે બધાંને એવું લખશું.

[કુલ પાન : 151. કિંમત રૂ. 100. પ્રાપ્તિસ્થાન : મીડિયા પબ્લિકેશન. 103-4, મંગલમૂર્તિ, કાળવા ચોક, જૂનાગઢ-362001. ફોન : +91 285 2650505. ઈ-મેઈલ : media.publications@gmail.com ]


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous બે કૃતિઓ – સંકલિત
અજનબી – હર્ષ બ્રહ્મભટ્ટ Next »   

12 પ્રતિભાવો : પુષ્પનો પગરવ – ઉર્વીશ વસાવડા

  1. Harish P.Gor says:

    ખુબ જ સરસ્. અતિ સુન્દર્. આપનેી રચ્ના વાન્ચિ ને મઝા આવેી ગ ઈ.ગુજ્રરાતિ લખ્તા નથિ ફ્હાવ્તિ,સ્સ્સ્સ્સ્સ્સોરેી!

  2. Hasmukh Sureja says:

    એક આ મનની સ્થિતિનો તાગ પામી લે તરત,
    તાપ જો વધશે સ્મરણનો તો નિભાડો થઈ જશે.

    ————————————-

    એ તિખારો મૂકી કલમ પર ફૂંક મારશું,
    આગ લાગશે ભરી સભાને એવું લખશું.

    ચ્હેરાથી ના ભલે ઓળખે કોઈ મને પણ,
    શબ્દો વાંચી તરત પિછાને એવું લખશું.

    ————————————-
    આ શેર ખુબ જ ગમ્યા…..

    ખુબ જ સરસ ગઝલ!

  3. anil viras says:

    ખુબ જ સરસ, ખુબ સુંદર.

  4. Ramesh Patel says:

    ખૂબ જ ચટાકેદાર મનનીય ગઝલ…માણવી ગમી.

    રમેશ પટેલ(આકાશદીપ)

  5. Sandhya Bhatt says:

    મઝા પડી ગઈ…ગઝલસંગ્રહનું શીર્ષક જ કેટલું સુંદર!

  6. vishal dave says:

    સુ કહેવુ હુ તો કવિ નથિ નહિતો કહેત પન સુ કલમ તમારી કાશ હુ કવિ હોત તો એક ગ્રન્થ જ લખિ નાખત પન એ તો હુ નથી તો પન ખુબ ખુબ સરસ્

  7. P.P.MANKAD says:

    Very good poems, indeed.

  8. ૨} એક સાંકળ ખોલવામાં આયખું વીતે અગર,
    શું કરીશું, બંધ જો સઘળાં કમાડો થઈ જશે ?

    ૩} એ તિખારો મૂકી કલમ પર ફૂંક મારશું,
    આગ લાગશે ભરી સભાને એવું લખશું.

    ચ્હેરાથી ના ભલે ઓળખે કોઈ મને પણ,
    શબ્દો વાંચી તરત પિછાને એવું લખશું

    ખુબ જ સરસ…
    tawfiq ni slaam..

  9. rajul b says:

    હવે રંગ ભગવો ફક્ત ચીતરું છું,
    નથી શક્ય એમાં કશી પણ મિલાવટ.

    અદભુત ..

  10. ખૂબ જ સુંદર પંક્તિઓ છે.

  11. Heta Desai says:

    વાહ……!!!

આપનો પ્રતિભાવ :

Name : (required)
Email : (required)
Website : (optional)
Comment :