- ReadGujarati.com - http://www.readgujarati.com -

મુક્તકો – હેમેન શાહ

[‘નવનીત સમર્પણ’ નવેમ્બર-2007માંથી સાભાર.]

ધ્યાન બીજી ઓર સૌનું વાળજે,
જાળ બહુ બારીક છે, સંભાળજે.
પૂછશે સાદાં સમીકરણો જગત,
સીધો ઉત્તર આપવાનું ટાળજે.
***

આ રમતમાં તો કદી જિતાય નહિ,
કોઈ કુદરત સાથે સ્પર્ધા થાય નહિ,
એક ટીપા સામે આંસુ આપવું,
આવું ચોમાસું મને પોસાય નહિ.
***

કવિને ચાકના ટુકડા ને કોરી સ્લેટ મળે,
જીવન સમુદ્ર હો તો આટલો જ બેટ મળે.
નહીં વેચાયું એ કારણથી કાવ્યનું પુસ્તક,
બધા જ રાહ જોઈ બેઠા’તા કે ભેટ મળે !