વાદળનાં ફૂલ – પૂજા તત્સત્

[ ‘નવનીત સમર્પણ’ જાન્યુઆરી-2012માંથી સાભાર.]

‘ડેડી-’
‘હા બેટા-’
‘મોટો થઈને હું શું બનું ?-’
‘તારે જે બનવું હોય તે બેટા…’
‘હું તો સુપરમેન બનીશ…’
‘હા બેટા….’
‘ડેડી…’
‘હમઅઅઅ….’
‘આજે રાત્રે મારો તૂટેલો દાંત પીલો નીચે મૂકીને સૂઈ જઈશ તો કાલે સવારે પીલો નીચેથી મને પૈસા મળશે ?’
‘કોણે કહ્યું ?’
‘મમ્માએ…’
‘હા હા મળશે…’
‘પૈસા કોણ આપે ?’
‘ભગવાન આપે…’
‘ડેડી….’
‘હા બેટા….’
‘આવતા વીકએન્ડમાં મેકડોનાલ્ડ જઈશું ?’
‘હા બેટા…’
‘બેન ટેનનું નવું ટોય મળશે ?’
‘હા બેટા મળશે…’
‘બેન ટેન શું ખાય ?’
‘બધું ખાય બેટા…’
‘મમ્મા કહે કે એ સ્પિનચ બહુ ખાય એટલે આટલો સ્ટ્રોંગ છે…’
‘હા બેટા…’
‘ડેડી બેન ટેન વધારે શક્તિશાળી કે હનુમાન ?’
‘હનુમાનજી….’
‘સૌથી તાકતવર તો સુપરમેન જ હોય…’
‘ના બેટા હનુ….’

છોકરો અચાનક ઊભો થઈ સમુદ્રનાં ઊછળતાં મોજાં સામે જોઈ રહ્યો. પછી થોડી વારે મોજાંથી પણ વધારે સંખ્યામાં ઊભરાતા માણસો સામે જોવા લાગ્યો.
‘ડેડી કેમલ રાઈડ….’
‘ચાલો બેટા….’
છોકરો ઊંટ પર બેઠો. ડેડીએ એના ફોટા પાડ્યા. પછી બલૂન, પછી ક્રિકેટનો વારો આવ્યો…
‘ડેડી કુરકુરે…’
‘એ ન ખવાય બેટા….’
‘મોમને નહીં કહું બસ….’
‘એના કરતાં આઈસ્ક્રીમ ખાઈએ….’
‘ડેડી….’
‘શું બેટા…’
‘હવે ક્રિસમસ આવશે ?’
‘હા બેટા…’
‘પહેલાં ક્રિસમસ આવે કે દિવાળી ?’
‘દિવાળી…’
‘મમ્મા આપણી સાથે અહીં આવે તો કેવી મજા આવે…’
‘હા બેટા…’
‘પણ એ કહેતી હતી કે એને સી બીચ નથી ગમતો….’
‘….’
‘ડેડી તમને ‘દબંગ’ ગમે કે ‘સિંઘમ’ ?’
‘મને એ એ એ….’
‘મને તો ‘સિંઘમ’ ગમે….’

છોકરો લયબદ્ધ ડોલતો સિંઘમ સિંઘમ ગાવા લાગ્યો. ડેડીએ એના હાથપગ પરથી રેતી ખંખેરી. રૂમાલ વડે એના ગાલ પરથી આઈસ્ક્રીમના રેલા લૂછ્યા.
‘ડેડ આપણે આ વખતે પણ ક્રિસમસ વેકેશનમાં ગોવા જઈશું ? ગઈ ક્રિસમસમાં કેવી મજા આવી હતી, નહીં…’
‘જોઈએ બેટા આ વખતે પોસિબલ નથી…’
‘પોસિબલનું ઓપોઝિટ ઈમ્પોસિબલ થાય ?’
‘હા બેટા…’

એવામાં એક છોકરો આવીને ભીખ માગવા લાગ્યો. ડેડીએ એને ખીસામાંથી સિક્કા કાઢીને આપ્યા. એ લઈને એ દૂર ઊભેલી એની મા પાસે દોડી ગયો.
‘એ કોની પાસે દોડી ગયો ?’
‘એની મમ્મા પાસે…’
‘બાજુમાં છે તે એના ડેડી છે ?’
‘હા….’
‘એ લોકો પુઅર છે ?’
‘હા બેટા…’
‘આપણે રિચ છીએ ?’
‘ના એટલે આપણે આમ…’
‘રિચ નથી ?’
‘આપણે બંનેની વચ્ચેના કહેવાઈએ….’
‘મીતા કહેતી હતી પુઅર લોકોને પૈસા ન અપાય. દારૂ પીએ. હવે એ દારૂ પીશે ?’
‘હા કદાચ…’
‘આપણે પુઅર નથી તો પણ તમે દારૂ પીઓ છો ?’
‘હું…. ત્યાં સામે જો બેટા પેલા જાડા અંકલ કેમલ પરથી કેવા પડવા જેવા થઈ ગયા છે ?’ છોકરો અટકીને એ દિશામાં જોવા લાગ્યો. પછી તાલી પાડીને ખડખડાટ હસવા લાગ્યો. પછી અચાનક જમીન પર બેસીને બંને હાથ વડે દરિયાની ભીની રેતીમાં ઘર બનાવવા લાગ્યો.

‘ઊભો રહે બેટા શૂઝ કાઢીને બનાવ નહીં તો રેતી ભરાઈ જશે…’ ડેડીએ એનાં શૂઝ અને મોજાં કાઢીને બાજુમાં મૂક્યાં. હાથથી બરાબર આકાર આપીને છોકરાએ ઘર બનાવ્યું. પછી એક સળી વડે બાજુમાં લખ્યું : અર્જુન્સ હાઉસ.
‘ડેડી, હું નેક્સ્ટ યર સેકન્ડમાં આવીશ પછી થર્ડ, ફોર્થ એમ કરીને ટ્વેલ્થમાં, પછી કૉલેજમાં, પછી જોબ કરીશ, પછી મારા મેરેજ થશે ?’
‘હા, હા બેટા…’
‘જોબ કરીએ તો જ મેરેજ કરાય ?’
‘હા બેટા….’
‘હું કોની સાથે મેરેજ કરું ?’
‘હમઅઅઅઅ…’
‘હું તો વિશ્વા સાથે કરીશ…’
‘કોણ વિશ્વા….’
‘મારા કલાસમાં જ છે….’
‘સારું….’
‘હવે અંધારું થશે એટલે આપણે પાછા જઈશું ?’
‘હા.’
‘કેવું સારું મમ્મા ન હોય એટલે મને તો કારમાં તમારી સાથે આગળની સીટ પર બેસવા મળે… પણ મમ્મા હોય તો વધારે સારું….’
‘…’
‘ડેડી મારા કલાસનો એક છોકરો કહેતો હતો કે એ ઘરે એકલો જ રહે છે…’
‘એવું ન હોય બેટા…’
‘હા. એનાં મમ્મા-ડેડી સવારે જોબ પર જાય પછી થોડા દિવસ આવે જ નહીં. એ રાત્રે એસી ચાલુ કરીને એકલો સૂઈ જાય. સવારે જાતે જાતે લંચ-બોક્સ ભરીને સ્કૂલે આવે. બોલો કેટલો સ્માર્ટ કહેવાયને !….’
‘એવું ન બને. એનાં મમ્મા-ડેડી રાત્રે ઘરે આવી જતાં હશે…’
‘ના એ રાત્રે પણ એકલો જ રહે છે….’
‘અચ્છા….’
‘મારે તો કેટલું સારું મોમ સાંજે ઘરે આવી જાય. વીકએન્ડમાં ડેડી સાથે ફરવા મળે…’
‘હા બેટા…’
‘પણ તમે અને મોમ બંને મારી સાથે રહેતાં હો તો…. આપણે વીકએન્ડમાં પણ સાથે ફરવા જઈએ….’
‘હા પણ…’
‘તમે દારૂ પીઓ છો એ મમ્માને ગમતું નથી એટલે….’
‘ના એવું….’
‘એના કરતાં તમે ટ્રોપિકાના જ્યુસ પીઓ તો… ડેડી, વિરાટને તો નાની બેબી-સિસ્ટર પણ છે. એ કહેતો હતો મને હવે બેબી-સિસ્ટર નહીં મળે, કેમ કે તમે અને મમ્માએ ડિવોર્સ…..’
‘આજે લંચબોક્સમાં શું લઈ ગયો હતો, બેટા ?…’
‘ડેડી મેરેજમાં એક હાઉસ અને એક ટીવી અને ડિવોર્સમાં બે હાઉસ અને બે ટીવી હોય હેંને ?’
‘હા પણ…’
‘પણ ડેડી મમ્માને તો બેબી-સિસ્ટર આવી શકે ને એમ પણ બેબી તો વુમનને જ આવેને ?’
‘હા બેટા પણ….’
‘ડેડી લાસ્ટ ક્રિસમસમાં આપણે ગોવા ગયા હતા ત્યારે શિપમાં બેસવાની કેવી મજા આવી હતી ?’
‘હા બેટા…’
‘વિવેક અંકલ, આન્ટી, મમ્મા, તમે, હું બધાંએ કેવો ડાન્સ કર્યો હતો નહીં….’
‘હા બેટા….’
‘પછી રાત્રે તમે મોમ સાથે ગુસ્સામાં ફાઈટ કરતા હતા ત્યારે બેન ટેનના ગંદા એલિયન જેવા દેખાતા હતા…’
‘બેટા બીજો આઈસક્રીમ….’
‘ડાન્સ કરતી વખતે અંકલે મોમનો હાથ પકડ્યો હતો એવું બધું બોલતા હતા….’
‘…..’
‘ડેડી પહેલાં જોબ, પછી મેરેજ, પછી ડિવોર્સ થાય ?’
‘….’
‘અંકલે મોમનો હાથ ન પકડ્યો હોત તો ન થાત ?’
‘….’
‘ડેડી જલદી જુઓ પેલાં વાદળ આકાશમાં કેવાં દોડાદોડી કરે છે….’
‘હેં હા બેટા…’
‘ડેડી પેલાં નાનાં વાદળ સ્કાય બ્લુ કલરનાં ફૂલ જેવાં દેખાય છે ને….’
‘હા હા બેટા એકદમ ફૂલ જેવાં….’


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous સોનાનાં વૃક્ષો – મણિલાલ હ. પટેલ
ટૂંકો વિરામ – તંત્રી Next »   

27 પ્રતિભાવો : વાદળનાં ફૂલ – પૂજા તત્સત્

  1. Ketan patel says:

    Bahu saras

  2. Dhaval Khamar says:

    What a story… kudos to the writer.

    Amazing pace of the story and great art of story telling.
    It just gives us a reminder that whatever we do.. whatever we speak, kids pick up everything…

    Again… Great story… keep it up….

  3. ખુબ સુંદર….

    માતા-પિતાના વર્તનની બાળકમન પર કેવી અને કેટલી ગહેરી અસર પડે છે તેનું વિવિધ પ્ર્શનો માં નિરુપરણ સુંદર છે.

  4. RITA PRAJAPATI says:

    ખુબ જ સરસ
    બહુ જ ગમ્યુ
    આ રિતે જોઇને જ બાળકો સિખતા હોય ચ્હે
    મા બાપે બાળકોનિ હજરિમા ઝગદવાનુ ટળવુ જોઇએ
    exellent
    આમા એક બાળકનિ કેટલિ જિગ્નાશાઓ દર્શાવિ ચ્હે

  5. Renuka Dave says:

    Very Nice story..! Specially the way of presentation is very interesting. Keep it up Poojaben, Saras lakho 6o..!

  6. Kunal says:

    finally after so long, my request is heard !

    I told on last post of Ms. Pooja Tatsat that Please put more of her writings.

    As always, excellent story.
    Keep up the good work.

    thank you Mrugeshbhai.

  7. Hetal Vyas says:

    Heart touching story !!!!!!!!!!!

  8. Karasan says:

    સરસ ! ઘટનાઓ સ્પશ્ટ-ટુકી સહેજમા સમજી શકાય તેવી રજુઆત પસદ આવી.
    બીજી આવી રજુઆતોની અપેક્ષા સહિત અભિનદન !!

  9. mukesh says:

    બહુ જ સરસ ..

  10. Hasmukh Sureja says:

    ખુબ જ જીવન્ત! વાર્તા, વિષયવસ્તૂ અને શિર્ષક……

  11. samir says:

    ખુબજ સુંદર વાર્તા.

    આમ તો હું આ સઈટ નો રેગુલર સાઈલેંટ વાચક છુ…….પણ આજે મારી જાત ને કોમેંટ લખતા ના રોકી સક્યો…….ખુબ જ સુંદર વર્ણન……દિલ ખુશ થઇ ગયું……આવી સુંદર વાર્તા માટે મૃગેશ ભાઈ તમારો ખુબ આભાર….અને સુંદર સર્જન માટે પૂજા મેડમ ને ખુબજ અભિનંદન…

  12. vidisha says:

    બહુ જ સરસ. ખુબ જ જીવન્ત. મને ગમનાર કૃતિમાંની એક.

  13. hiral says:

    ખુબ સરસ

  14. dhaval sheth says:

    બહ સરસ. વન્ચિ ને મજ આવિ.

  15. dhaval sheth says:

    Heart touching. Good one.

  16. Limbachiya jigar s says:

    ખુબ સરસ

  17. Hita Trivedi says:

    Pooja,

    I remember Karma here only because the child is a question mark like him. But the whole theme behind the story was very deep. Congrats and keep it up.

  18. korat anjana shaileshkumar says:

    this is so nice and sweet ………..

  19. Nikhil says:

    sweet ………..&Good

  20. નાના બાલકો કોઇ પન બાબત જ્લ્દિ સિખે ચ્હે,તે સારિ હોય કે ખરાબ

  21. pravinbhai says:

    બાળ માનસ સારી રિતે લેખક સમજી ગયા છે. અને તેનુ વર્ણન ઘણુ જ સરસ રીતે કરેલ છે. કદાચ લેખક મોન્ટેસરી ટીચર હોય સકે છે. અઠવા સારી માતા પણ હોઈ શકે છે. જો આ બે શક્યતા હોય તો જ રજુઆત મા પ્રવાહિતા લાવી શકે.

  22. ram mori says:

    oh my god….what a fantastic story….yup…super…once again pooja tatsat rock…..superb.

  23. piyush says:

    simply superb…!

  24. Amrutlal Hingrajia says:

    બાલમાનસને ઉજાગર કરતી કથા અને વ્યથા !

  25. neha says:

    just dialogueas n flow of story is amazing. pooja..i read u regularly in navneet samarpan. u write verY deep n nice. bt we like to read more from u.:)

આપનો પ્રતિભાવ :

Name : (required)
Email : (required)
Website : (optional)
Comment :