આજ તું – અંજુમ ઉઝયાન્વી

[‘જુદો મિજાજ છે’ પુસ્તકમાંથી સાભાર.]

જેવો છે એવો ઠીક છે, સમજી લે આજ તું,
એ હીરો કે અકીક છે, સમજી લે આજ તું !

આંસુનો બોજો આંખ ઉઠાવે છે ઉમ્રભર,
બચપણથી એ શ્રમિક છે, સમજી લે આજ તું !

ઓઢીને છાંયો વૃક્ષનો ઊંઘે છે ચેનથી,
મુફલિસ ખરો ધનિક છે, સમજી લે આજ તું !

આવે છે મનમાં દોડીને આવેગ હર ઘડી,
પરપોટા સૌ ક્ષણિક છે, સમજી લે આજ તું !

આંખોને છાંયે બેસવા આવી ચડે કદી,
શમણાં તો જગપથિક છે, સમજી લે આજ તું !

હૈયામાં ધરબી રાખજે ભીતરની ચીસને,
ચાહતની એ પ્રતીક છે, સમજી લે આજ તું !

‘અંજુમ’ ગઝલ તો બંદગીનું બીજું નામ છે,
શાયરથી રબ નજીક છે, સમજી લે આજ તું !


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous અંતરનાં અમીઝરણાં – સંકલિત
સભા – કિશોરસિંહ સોલંકી Next »   

7 પ્રતિભાવો : આજ તું – અંજુમ ઉઝયાન્વી

  1. સુંદર

    “જેવો છે એવો ઠીક છે, સમજી લે આજ તું,
    એ હીરો કે અકીક છે, સમજી લે આજ તું !”

    આપણે જેવા છીએ તેવા જ આપણે આપણી જાત ને ચાહી શકીએ તો ઘણું

  2. kirit says:

    just beautiful words……….. great lines,,,,,,,,

  3. Hasmukh Sureja says:

    ખરેખર સુન્દર! કોઇ જ શબ્દો નથી આ ગઝલના વખાણ કરવા!

    “ઓઢીને છાંયો વૃક્ષનો ઊંઘે છે ચેનથી,
    મુફલિસ ખરો ધનિક છે, સમજી લે આજ તું !…..”

    આ પન્ક્તિઓ ખુબ જ ગમી, આ પન્ક્તિઓમા ગઝલકારે સુફિ-ફકીરી જીવનને સુન્દર રીતે રજૂ કર્યુ છે… સાદુ જીવન, સુખી જીવન….!

  4. Jigar Oza says:

    મજા આવી ગયી.

  5. denish bandriya says:

    nice gazal………….

  6. siddiq bharuchi says:

    vah njumbhai vah, khoob saras.

  7. MUSTUFA KHEDUVORA says:

    વાહ ક્યા બાત સરસ .

આપનો પ્રતિભાવ :

Name : (required)
Email : (required)
Website : (optional)
Comment :