ફૂટી જશે એ વાત અચૂક આજકાલમાં
એણે સુગંધી પત્ર બીડ્યો છે ટપાલમાં
શબ્દો ઊણા ઊતરશે મને શક છે એટલે
મેં જાળવ્યું છે મૌન પ્રથમથી સવાલમાં.
અધવચ નહિ તો કોઈ અચાનક ઊઠે નહિ
મારી જ કૈંક ભૂલ હશે બોલચાલમાં.
એમાં કદાચ રંગ હૃદયનો ભળ્યો હશે
બાકી ન હોય આટલી રંગત ગુલાલમાં.
આગળ નહિ જવાય હવે એના ઘર સુધી
આડશ ઊભી થઈ છે બધે હાલચાલમાં.
4 thoughts on “બોલચાલમાં – પ્રફુલ્લ નાણાવટી”
સુંદર રચના!
અધવચ નહિ તો કોઈ અચાનક ઊઠે નહિ
મારી જ કૈંક ભૂલ હશે બોલચાલમાં.
સુંદર ગઝલ.
સરસ ક્રુતિ
praful bhai mari gnati na.
mara najik na vadil,
nakki rangat bhali chhe rhudayani
baki gulal ma aatli rangat hoi?