ઈ સોસરવું જાય ! – રાજેન્દ્ર શુક્લ

પગલું યે પાછું પડે, ત્યાં ક્યમનું પોગાય,
પોતે પોતાને નડે, ઠાલું શીદ ઠોવાય ?

પાકે કાંઠા નવ ચડે, પણ ચિતરામણ થાય,
એની મેળે આવડે, લખતાં લહિયો થાય !

દશે દશ્યુંના વાયરા, વાતાં વાતાં વાય,
થયું થઈ થાળે પડે, થાતાં બધું ય થવાય !

હૈયું જો હેલે ચડે, ગાણું તો જ ગવાય,
અંદરથી જે ઊઘડે, ઈ સોસરવું જાય !

છોળું છેક જ ઊછળે, છાલક એમ છવાય,
છાનું છોવાઈ ગયું, છૂપ્યે છૂપ્યું છતરાય !


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous ગઝલ – ચંદ્રેશ મકવાણા
પંખીડા – ન્હાનાલાલ Next »   

4 પ્રતિભાવો : ઈ સોસરવું જાય ! – રાજેન્દ્ર શુક્લ

  1. Dhiren Solanki says:

    વાહ!

    હૈયું જો હેલે ચડે, ગાણું તો જ ગવાય,
    અંદરથી જે ઊઘડે, ઈ સોસરવું જાય !

    સાચી વાત

  2. શબ્દો કે અલન્કારનો ના કોઇ ચળકાટ,સાવ સીધી,સાદી,સાચી, સુન્દર રચના !
    “…. અન્દરથી જે ઉઘડે,ઇ સોસરવુ જાય !”

  3. Jasmin Joshi says:

    જાનપદી શૈલી ની છાન્ટવાળી સુન્દર રચના

    સોસરવું ને બદલે હોહરવું હોય તો મજા આવે

  4. Manali Patel says:

    આહા….શુ વાત હે મજા આઇ . નાન્પણ યાદ આવિ ગયુ .પાકા ઘડે કાંઠા ન છડે.

આપનો પ્રતિભાવ :

Name : (required)
Email : (required)
Website : (optional)
Comment :