આ શબ્દ – માધવ રામાનુજ

[‘ઉદ્દેશ’ સામાયિકમાંથી સાભાર.]

આ શબ્દ હવે છૂટે તો સારું !
– આ મૌન સુધીના મારગ માંડ મળ્યા છે…
…………. વાટ ખૂટે તો સારું….. … આ શબ્દ….

આ સંબોધનોમાં, સંબંધોમાં,
…………. માયાની માયામાં,
આ પગલે પગલે શબ્દ અહીં રોકી રાખે છે
…………. એના પડછાયામાં !
– આ મનમાં પળ પળ ઊગતા રહેતા મોહ
…………. હવે છૂટે તો સારું…… …. આ શબ્દ…..

આ ક્યાં અધવચ્ચે, ક્યાં મઝધારે
…………. ક્યાં અંતરને આરે,
આ ભીતરથી કોઈ સાદ કરે છે :
…………. પાછા ફરશું ક્યારે !
– આ જીવતર જેવું જીવતર અટવાયું છે,
…………. જાળ તૂટે તો સારું !
આ શબ્દ હવે છૂટે તો સારું !
– આ મૌન સુધીના મારગ માંડ મળ્યા છે…
…………. વાટ ખૂટે તો સારું….


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous હાથ થયા હથિયાર – જયા મહેતા
સુખનું સરનામું – શ્યામલ મુનશી Next »   

5 પ્રતિભાવો : આ શબ્દ – માધવ રામાનુજ

  1. ખુબ સુંદર

    “આ શબ્દ હવે છૂટે તો સારું !
    – આ મૌન સુધીના મારગ માંડ મળ્યા છે…
    …………. વાટ ખૂટે તો સારું”

  2. Bhumika Modi says:

    શબ્દો ખૂટી ગયા…શું કહેવું ખબર પડતી નથી,,,પણ આ રચના મનને સ્પર્શી ગઈ…

  3. Pratibha says:

    શબ્દશિલ્પી, શબ્દોના જાદુથી જ મૌનને બોલતુ અને વહેતુ કર્યુ. અભિનંદન.

  4. pjpandya says:

    શબ્દ અને મૌનિ સરસ મજા આવિ

  5. કાલિદાસ વ. પટેલ {વાગોસણા} says:

    માધવભાઈ,
    આપની સચોટ રચના મજાની રહી. આભાર.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :