પ્રિસ્ક્રિપ્શન – હેમેન શાહ

[1] લોહીની તપાસ કરી મૌલિક વિચારોનું પ્રમાણ કેટલું છે એ જાણી લેવું.

[2] નિરાશાની એક કૅપ્સ્યૂલ દિવસમાં ચાર વાર લેવી. (નિરાશા ન મળે તો ઉદાસી ચાલશે. દવા એ જ છે, ફક્ત કંપની જુદી છે.)

[3] સપનાંની બે ગોળી સૂતાં પહેલાં લેવી.

[4] આંખમાં રોજ સવારે ઝાકળનાં ટીપાં નાખવાં.

[5] દીવાનગીનાં ચશ્માં પહેરી કામે જવું. (એ મૅસર્સ મજનૂ ઍન્ડ રાંઝાને ત્યાં મળે છે.)

[6] પેટમાં બળતરા થતી હોય તો એક પ્યાલો ઠંડું મૃગજળ ધીરે ધીરે પીવું.

[7] યાદ બહુ જલદ દવા છે, પરંતુ ઓછી માત્રામાં અણધારી અસર બતાવી શકે. માટે ચાલુ કામકાજમાં ભેળવીને લેવી.

[8] અઠવાડિયે એક વાર એક્સપાયરી ડેટ પછીનું ઈશ્કનું ઈંજેકશન લેવું.

[9] શબ્દોની પરેજી રાખવી. શબ્દો વધુ પડતા ફાકવાથી કવિતાનું મૃત્યુ પણ થઈ શકે.

[10] આટઆટલી દવા કર્યા પછી, પ્રતીક્ષાની એક ટીકડી આયુષ્યભર ચાલુ રાખવી.

સહી
અનરજિસ્ટર્ડ પોએટ્રી પ્રેક્ટિશનર


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous સુખનું સરનામું – શ્યામલ મુનશી
તન-મનની તંદુરસ્તી – કાન્તિલાલ કાલાણી Next »   

5 પ્રતિભાવો : પ્રિસ્ક્રિપ્શન – હેમેન શાહ

  1. jignesh says:

    વાહ મજા આવી ગઇ.

    શબ્દોની પરેજી રાખવી. શબ્દો વધુ પડતા ફાકવાથી કવિતાનું મૃત્યુ પણ થઈ શકે.

    સુંદર.

  2. સુંદર …. “આંખમાં રોજ સવારે ઝાકળનાં ટીપાં નાખવાં.”

  3. Piyush shah says:

    Unusual… Maja padi

  4. કાલિદાસ વ. પટેલ {વાગોસણા} says:

    હેમેનભાઈ,
    આપનું આ નવતર પ્રિસ્કિપ્શન ગમ્યું.કવિતા કરનાર માટે ઘણું ઉપયોગી છે.
    કાલિદાસ વ. પટેલ {વાગોસણા}

  5. Mahek Mistry says:

    એક્દમ જોરદાર……

    નિરાશાની એક કૅપ્સ્યૂલ દિવસમાં ચાર વાર લેવી. નિરાશા ન મળે તો ઉદાસી ચાલશે. દવા એ જ છે, ફક્ત કંપની જુદી છે.

આપનો પ્રતિભાવ :

Name : (required)
Email : (required)
Website : (optional)
Comment :