ભીડમાં…. – મધુમતી મહેતા
[‘નવનીત સમર્પણ’માંથી સાભાર.]
સૂમસામ છે બધુંય સંબંધોની ભીડમાં
આવ્યા ભલે બધાય પ્રસંગોની ભીડમાં
તરતા મૂક્યા હતા ધીરેક તારી યાદમાં
દીવા તણાઈ જાય તરંગોની ભીડમાં
એ સાથમાં હતી છતાંય ત્યાં હતી નહીં
દોરી મળે ન ક્યાંય પતંગોની ભીડમાં
શોધું છું શામળા તે સામે જ તો હતા
ખરચાઈ ગઈ ક્ષણો તો અભંગોની ભીડમાં
રસ્તોય આ રહ્યો ને ના દૂર મંઝિલો
અટવાઈ ગ્યા અમે તો સંતોની ભીડમાં
જે પામવાને માટે આપે કરી સફર
ખોવાઈ એ ક્ષણો જ પ્રબંધોની ભીડમાં
વણજો ગઝલનું પોત જરા ધ્યાન રાખીને
બદલાઈ જાય અર્થો શબ્દોની ભીડમાં
રડવું તજીને મ્હેતા એનો કરો જશન
તમને મળ્યું છે શ્વેત જે રંગોની ભીડમાં
Print This Article
· 
Save article As PDF · 
Subscribe ReadGujarati
« Previous પહેલીવાર – સતીશ વ્યાસ
khoob aj saras…
KHUB SUNDAR.
ખુબ સરસ ગઝલ છે…………….
superb
અતિ સુન્દર
this is nice ghazal . . .
એક્દ સરસ્
“Je pamvane mate Kari ape safar….its so heart touching
મધુમતીબેન,
મદમસ્ત ગઝલ આપી. આભાર. વણજો ગઝલનું પોત આવું … ને … આવું .
કાલિદાસ વ. પટેલ {વાગોસણા}