દુબઈના પ્રવાસે…. – તંત્રી

પ્રિય વાચકમિત્રો,

રીડગુજરાતીના કેટલાક વાચકમિત્રો દ્વારા તા. 6 થી 9 જુલાઈ દરમિયાન દુબઈની મુલાકાત લેવાનું તથા ત્યાંના સૌ વાચકમિત્રોને મળવાનું આયોજન કરવામાં આવ્યું છે, જે માટે હું સૌનો હાર્દિક આભારી છું. તા. 6 જુલાઈને શુક્રવારે દુબઈના સમય પ્રમાણે બપોરે 2 વાગ્યા બાદ, અહીં નીચે આપેલા સરનામે ત્યાંના સૌ વાચકમિત્રો મને મળી શકે છે. જે તે દેશની સંસ્કૃતિ, ત્યાંની જુદી જુદી પ્રવૃત્તિઓ, ગુજરાતી ભાષા-સાહિત્યના સર્જકો વગેરે વિશે જાણવાની ખૂબ ઉત્કંઠા રહે છે. આથી આપ સૌ સાથેની મુલાકાત મારે મન અત્યંત મહત્વની છે. દુબઈના સૌ સર્જકો-વાચકોને સાદર નિમંત્રણ છે.

ગુજરાત તેમજ ભારતના વિવિધ પ્રદેશોમાં ફરવાનું તથા જુદી જુદી સંસ્થાઓ, વિશિષ્ટ વ્યક્તિઓના પરિચયમાં આવવાનું સતત બનતું રહે છે. પરંતુ પરદેશનો આ મારો પ્રથમ પ્રવાસ છે. આથી, ત્યાંની મૂળ સંસ્કૃતિ, ઈતિહાસ અને આપણા સૌ ગુજરાતીઓની દૈનિક જીવનપદ્ધતિ વગેરે વિશેની માહિતી મેળવવાનું ઘણું ઉપયોગી બની રહેશે. ખાસ કરીને ત્યાંના યુવાવર્ગને પણ મળવાની ઈચ્છા છે.

આ આકસ્મિક પ્રવાસના આયોજનને ધ્યાનમાં લેતાં તા. 12 જુલાઈ સુધી પ્રકાશિત થનારા લેખોમાં થોડી અનિયમિતતા રહેશે, જે માટે ક્ષમા કરશો. જો કે શક્ય બને ત્યાં સુધી હું પ્રકાશનકાર્ય સ્થગિત ન થાય તેની કાળજી લઉં છું, તેમ છતાં આ દિવસોમાં કોઈક વાર એકાદ લેખ અથવા તો કોઈક વાર અગાઉ પ્રકાશિત થયેલા લેખોને પુનઃપ્રકાશિત કરીને આ કાર્યને સતત ચાલુ રાખવા પ્રયત્ન કરીશ. વળી, વિશેષ આનંદની વાત એ છે કે યોગાનુયોગ આ જ દિવસો દરમિયાન તા. 9 મી જુલાઈના રોજ રીડગુજરાતી આઠમા વર્ષમાં મંગલ પ્રવેશ કરી રહ્યું છે. રીડગુજરાતી વાર્તા-સ્પર્ધાની કૃતિઓ પણ સતત મળતી રહે છે. સમય અભાવે તમામ કૃતિઓ હું જોઈ શકતો નથી પરંતુ ભાગ લેનાર તમામ સ્પર્ધકોને હું 9 જુલાઈ બાદ વ્યક્તિગત પ્રત્યુત્તર પાઠવી શકીશ.

આપ સૌની શુભેચ્છાઓ ચાહું છું.

દુબઈ ખાતે મારા નિવાસનું સરનામું આ પ્રમાણે છે :

Hotel Dolphin Appartments
Khalid Bin Walid Road,
Bank street, Meena bazaar,
Dubai. UAE.
Phone : 3597999

લિ.
મૃગેશ શાહ
તંત્રી, રીડગુજરાતી.
મોબાઈલ : +91 9898064256