ઓળખતો નથી – મનીષ પરમાર

સાદ પરિચિત સાંભળેલો તોય ઓળખતો નથી,
હું મને સામે મળેલો તોય ઓળખતો નથી.

એક પથ્થર થૈ ગયાનો શાપ આપ્યો છે તમે,
પ્હાડ આખો ઓગળેલો તોય ઓળખતો નથી.

હું ટીપા અંદર સમાયેલો રહ્યો વરસો સુધી,
મોજું થૈને ઊછળેલો તોય ઓળખતો નથી.

નીકળ્યો મળવા તને ઘરથી સતત પગલાં સમો,
માર્ગથી પાછો વળેલો તોય ઓળખતો નથી.

એક ઝબકારો થયો જ્યાં વીજળી જેવો મનીષ-
અંધકારે ઝળહળેલો તોય ઓળખતો નથી.


· ·  Save article As PDF ·   Subscribe ReadGujarati

  « Previous રોટલો – અરુણા જાડેજા
ઘર – નયના રંગવાલા Next »   

2 પ્રતિભાવો : ઓળખતો નથી – મનીષ પરમાર

  1. darshana says:

    wowwwwww………nice1….

  2. jayant madhad says:

    એક ઝબકારો થયો જ્યાં વીજળી જેવો મનીષ-
    અંધકારે ઝળહળેલો તોય ઓળખતો નથી.વાહ મજા આવી ગઇ

આપનો પ્રતિભાવ :

Name : (required)
Email : (required)
Website : (optional)
Comment :

       

Copy Protected by Chetan's WP-Copyprotect.