ગઝલ – ઉર્વીશ વસાવડા

[‘ઉદ્દેશ’ સામાયિકમાંથી સાભાર.]

અપેક્ષા એ હતી કે આજ નહીં તો કાલ બદલાશે
ગમે ત્યારે અચાનક આ સમયની ચાલ બદલાશે

તિલકના રંગ ને અર્થો તો એના એ જ રહેવાના
અગર બદલાય કૈં તો આંગળી ને ભાલ બદલાશે

સંબંધોનું બિયારણ વાવજો ખૂબ સાવચેતીથી
જરા ગફલત થશે તો આખે આખો ફાલ બદલાશે

અવિરત ચાલતું નર્તન ન રોકાશે કદી ક્યારે
તું કોશિશ કર તો સંભવ છે કે એનો તાલ બદલાશે

પ્રહારો સર્વ શસ્ત્રોના સહ્યા છે ઓથ લઈ એની
હવે ચિંતા રહે છે શું થશે જો ઢાલ બદલાશે

Leave a comment

Your email address will not be published. Required fields are marked *

       

9 thoughts on “ગઝલ – ઉર્વીશ વસાવડા”

Copy Protected by Chetan's WP-Copyprotect.