હો મુબારક ! – હરીન્દ્ર દવે

હો મુબારક પ્રણય-મસ્તી યૌવન, તને,
સૌ શિશુના તરંગોની સૃષ્ટિ બને;
જડ મંહી ચેતનાને નિહાળી જવા,
દષ્ટિ સૌની મસીહાની દષ્ટિ બને.

હર કળી ફૂલ, હર ફૂલમાં બાગ હો,
બાગમાં રોજ તાજી બહારો રહે;
જેમ ઋતુ આવીને જાય પણ રણ મહીં,
તપ્ત રેતી તણો નિત પથારો રહે.

રાત થઈ જાય પાલવ કોઈ રૂપનો,
ભાત રંગીન એની સિતારા બને;
આપવા મિલનનો કોલ પ્રિય પાત્રને,
સૂર્ય ને ચંદ્ર નાજુક ઈશારા બને.

કારવાનો તણી રાહમાં જિંદગી,
સફરનો માત્ર પ્હેલો વિસામો બને;
મોત જે સ્થાનને લોક કહેતાં રહ્યાં,
રાહ ફંટાય મંઝિલ તણો ત્યાં કને.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous ધનુમાસીએ મત આપ્યો – કલ્પના દેસાઈ
મૂળિયાં ઊંડા રે – સુરેશ દલાલ Next »   

1 પ્રતિભાવ : હો મુબારક ! – હરીન્દ્ર દવે

  1. Kalidas V. Patel { Vagosana } says:

    હરીન્દ્રભાઈ,
    આપનું ગીત ગમ્યું. પરંતુ છેલ્લી કડીમાં … ; કારવાનો તણી રાહમાં જિંદગી ; માં કઈક ભૂલ નથી લાગતી ?
    કાલિદાસ વ. પટેલ { વાગોસણા }

આપનો પ્રતિભાવ :

Name : (required)
Email : (required)
Website : (optional)
Comment :