વાચકોની કૃતિઓ – સંકલિત

[1] ચાહવું – ભૂમિકા ઓઝા

[ રીડગુજરાતીને આ કૃતિ મોકલવા માટે ભૂમિકાબેન ઓઝાનો ખૂબ ખૂબ આભાર. આ તેમની પ્રથમ કૃતિ છે. આપ તેમનો આ સરનામે સંપર્ક કરી શકો છો : bhumioza9211@gmail.com ]

ચાહવું એટલે શું?
હું કે તું,
કે પછી સ્વની સંગાથે…

ચાહવું એટલે શું?
સાધના કે ભક્તિ,
કે પછી સ્વની ઓળખ…

ચાહવું એટલે શું?
સાથ કે સંગાથ,
કે પછી સ્વની સફર…

ચાહવું એટલે શું?
સંકલન કે વિકલન,
કે પછી સ્વની બાદબાકી…

ચાહવું એટલે શું?
સમર્પણ કે સ્વીકૃતિ,
કે પછી સ્વની ખોજ…
.

[2] ઓળખાયા છે – શ્રીમાળી રાહુલ ‘મૌન’

[ રીડગુજરાતીને આ કૃતિ મોકલવા માટે રાહુલભાઈનો ખૂબ ખૂબ આભાર. આપ તેમનો આ સરનામે maun2766@gmail.com સંપર્ક કરી શકો છો.]

હજી પુરા ક્યાં એ સમજાયા છે,
બસ થોડા થોડા ઓળખાયા છે.

જોઈ લે છે તેઓ મન ભરીને,
અને હું જોઉં છું ત્યાં શરમાયા છે.

આંખોથી કહે છે એ વાત દિલની,
મીઠી વાંસળીની જેમ સંભળાયા છે.

કિનારે ચૂમી જાય જેમ લહેરો સતત,
એમ શ્વાસ એમના અથડાયા છે.

જિંદગીની દોર છે એના હાથમાં,
આપણે તો ‘મૌન’ થઈને પરોવાયા છે.
.

[3] છે કોઈ અનુસરવા જેવું ? – યજ્ઞેશ પટેલ

[ રીડગુજરાતીને આ ગઝલ મોકલવા બદલ શ્રી યજ્ઞેશભાઈનો ખૂબ ખૂબ આભાર. આપ તેમનો આ સરનામે sspc41@gmail.com સંપર્ક કરી શકો છો.]

વિચાર મધ્યે નથી હવે વિહરવા જેવું,
કોઈની યાદમાં નથી હવે ઝૂરવા જેવું.

હૃદય અને આલય, બધુંય સજ્જડ ઈંટો,
આ નગરમાં શું રહ્યું, હવે ફરવા જવું ?

કાયમ ઠેલી મૂકે એ હતાશાની ખીણમાં !
સપના જોવાનું પાપ ન હવે કરવા જેવું !

મોજ કરે છે ધર્મને નામે કંઈક આખલા
ગાયને હવે ક્યાંથી તણખલું ચરવા જેવું.

ભોમિયા જ્યાં ભૂલા પડી અહીં રાહ પૂછે !
‘અંગત’ જગમાં છે કોઈ અનુસરવા જેવું ?


· Print This Article Print This Article ·  Save article As PDF ·   Subscribe ReadGujarati

  « Previous આજના દરેક પુરુષની એક કથા-એની વ્યથા – રીકીન શાહ
કમ્પ્યૂટરનો પરિવાર – કાન્તિ મેપાણી Next »   

7 પ્રતિભાવો : વાચકોની કૃતિઓ – સંકલિત

  1. Hitesh Mehta says:

    (૧) બહુ જ સારી વાત કરી… ચાહવુ એટલે આતર મન પોતની ઓળખ….
    (૨) કિનારે ચૂમી જાય જેમ લહેરો સતત,
    એમ શ્વાસ એમના અથડાયા છે — વાહ સરસ જિદગી નો દોર તેના હાથમા
    (૩) મોજ કરે છે ધર્મને નામે કંઈક આખલા
    ગાયને હવે ક્યાંથી તણખલું ચરવા જેવું….. અત્યાર ના ક્યા શાસક કેવા તેનો વિચાર ના કરી શકાય … કોન ઓચુ ખરાબ તે નક્કી કરવાનુ

  2. સુંદર !!! ડાંડ લોકો, ના સુધરે, એમને તો પથ્થર પર પાણી.
    મોજ કરે છે ધર્મને નામે કઇંક આંખલાઓ,
    ગાયને હવે કયાંથી તણખલુ ચરવા જડે.

  3. Chintan Oza says:

    બહુજ સરસ લખ્યુ છે ભૂમિકાબેન.

  4. Kalidas V. Patel { Vagosana } says:

    ત્રણેય કૃતિઓ ગમી.
    અનુક્રમણિકામાં કવિઓનાં નામ અપાય તો વધુ સુવિધા રહે … મૃગેશભાઈ.
    કાલિદાસ વ. પટેલ {વાગોસણા }

  5. Dushyant Dalal says:

    ઉપર ના કાવ્યો ખુબ સુન્દર !!!!!

    દુશ્યન્ત દલાલ્

  6. gita c kansara says:

    કાવ્યોમા મૌલિક ગહન શબ્દ રચ ના અર્થ સર સ્.

  7. નિલેશકુમાર એલ.વાઘેલા says:

    ખરેખર ત્રણેય કાવ્યો ખુબ ગમ્યા ….અભિનંદન.

આપનો પ્રતિભાવ :

Name : (required)
Email : (required)
Website : (optional)
Comment :

       


Warning: Use of undefined constant blog - assumed 'blog' (this will throw an Error in a future version of PHP) in /homepages/11/d387862059/htdocs/wp-content/themes/cleaner/single.php on line 54
Copy Protected by Chetan's WP-Copyprotect.