સમજવાનું અઘરું છે – નીતિન વડગામા

વણ કહેવાતી વાત સમજવાનું અઘરું છે
મૂંગો ઉલ્કાપાત સમજવાનું અઘરું છે.

આકાશે તો ઊગ્યા કરતાં મેઘધનુષો,
રંગોની ઠકરાત સમજવાનું અઘરું છે.

આંખો ફોડી જોવાથી ક્યાં ઉકલતું કંઈ ?
ભીતર પડતી ભાત સમજવાનું અઘરું છે.

આંધીનું રમખાણ હજીયે રોકી શકશો,
મનના ઝંઝાવાત સમજવાનું અઘરું છે

રૂડા ચહેરા દેખી નાહક ના ભરમાશો,
અંદરના આઘાત સમજવાનું અઘરું છે

કોણ જગાડે ? કોણ અહીં આવી પંપાળે ?
કોણ કરે બાકાત ? સમજવાનું અઘરું છે

ના દેખાતા, ના પેખાતા એક તત્વને,
કેવળ રાતોરાત સમજવાનું અઘરું છે.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous ફરી એકવાર મળીએ – ધૃતિ
હાસ્યમ શરણં ગચ્છામિ (રમૂજી ટૂચકા) – સંકલિત Next »   

3 પ્રતિભાવો : સમજવાનું અઘરું છે – નીતિન વડગામા

  1. Hasmukh Sureja says:

    રૂડા ચહેરા દેખી નાહક ના ભરમાશો,
    અંદરના આઘાત સમજવાનું અઘરું છે….

    ખુબ જ સુન્દર ગઝલ….

  2. unnati says:

    ખુબ મસ્ત ચ્હ્હે

  3. કાલિદાસ વ. પટેલ {વાગોસણા} says:

    નીતિનભાઈ,
    મનના ઝંઝાવાત સમજવાનું ઘણું જ અઘરું છે. ખરી વાત ભાઈ. માનવું જ પડે.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :