હજુ કોઈ સરવાણી – હરકિશન જોષી
December 8th, 2012 | પ્રકાર : ગઝલ | સાહિત્યકાર : હરકિશન જોષી |
2 પ્રતિભાવો » તમે શબ્દ લઈ લો તો છૂટી શકે
અને આ કહાણીય ખૂટી શકે
પ્રતિબિંબ ક્યારેય તૂટતા નથી
ફક્ત કાચ દર્પણના તૂટી શકે
જતા શ્વાસ રોકાઈ પાછા વળે
કોઈ એવું ઔષધ જો ઘૂંટી શકે
હશે ઘરમાં લૂંટાઈ જાશે બધું
સ્મરણમાં હો એને ન લૂંટી શકે
પુરાતન ગણી વાવ પૂરી ન દો
હજુ કોઈ સરવાણી ફૂટી શકે
Related
·
Print This Article
·
Save article As PDF ·
Subscribe ReadGujarati
આ પ્રકારનું અન્ય સાહિત્ય:
-
પંખી પાસે આવ્યું, બોલ્યું કાનમાં,
આ ઋતુ આવી તમારા માનમાં.
પૃથ્વીએ પડકાર વાદળને કર્યો,
પાણી હો તો આવી જા મેદાનમાં.
ખીલવાનો કંઈ નશો એવો હતો,
પાંદડાં ખરતાં ન આવ્યાં ધ્યાનમાં.
સત્ય ક્યાં છે એક સ્થળ પર કે સતત ?
ઓસ વેરાયું બધે ઉદ્યાનમાં.
કીમતી પળ આપીને સોદો કર્યો,
હું કમાયો પણ રહ્યો નુકશાનમાં.
સાબિતી કે તારણોમાં શું મળે ?
જો હશે તો એ હશે અનુમાનમાં
મોંઘી ને રંગીન કંઈ ચીજો હતી,
માત્ર મેં ...
[વાંચો...]
-
ભલે આજ છે આ ચલમનો ધુમાડો,
કદી એ જ બનશે અગમનો ધુમાડો !
નથી આયનામાં ચહેરો કળાતો,
નડે છે બધાંને અહમનો ધુમાડો !
હૃદયમાં, ગલીમાં, નગરમાં, જગતમાં,
સકળમાં ભમે છે ભરમનો ધુમાડો !
થશે કેમ ઝાંખી પ્રભુની ભગતને ?
નડે છે નજરને ધરમનો ધુમાડો !
નહીં સાથ છોડે ભવોભવ બધાંનો,
સદા સંગ રહે છે કરમનો ધુમાડો !
હવામાં ભળ્યું છે કશું તો સુગંધી,
હશે ધૂપ જેવો પરમનો ધુમાડો !?
કશું સિદ્ધ થાતું ...
[વાંચો...]
-
તજો દોડધામો – મળી જાય ઝોકું,
જુઓ, સૌ સુખો સાંકળી જાય ઝોકું !
ભલે હોય બાળક અગર હો બુઢાપો,
અચાનક બધાંશું હળી જાય ઝોકું !
હશે ઑફિસો કે પછી પાઠશાળા
નયનમાં જરા ખળખળી જાય ઝોકું !
ભરી પેટ હોંશે બપોરે જમ્યા હો,
સરત રાખજો ના છળી જાય ઝોકું !
કશો ભેદ ક્યાં રાય કે રંક વચ્ચે ?-
ઘડીભર મજાનું મળી જાય ઝોકું !
કદી વાંસળીના – કદી તાંસળીના-
સ્વરે કે સવાદે ...
[વાંચો...]
હરકિશનભાઈ,
હા, આપણે તો વિચારવું રહ્યું હકારાત્મક જ … કે ,
શ્રદ્ધા ડગી નથી અમારી, સરવાણી કોઈ હજુ ફૂટી શકે છે.
કાલિદાસ વ. પટેલ { વાગોસણા }
વાહ વાહ
પુરાતન ગણી વાવ પૂરી ન દો
હજુ કોઈ સરવાણી ફૂટી શકે