મારી વાડીમાં – લાલજી કાનપરિયા
[‘અખંડ આનંદ’માંથી સાભાર.]
મારી વાડીમાં ખીલ્યો ગલગોટો હો જી
મારો પરભુજી સૌથી છે મોટો હો જી
હરિજીએ હળ હાંકિયાં ને મા લખમીએ ઓર્યાં છે બીજ,
ઈન્દર રાજાએ ઓળઘોળ થૈને આકાશે ચમકાવી વીજ !
ધરતી ફાડીને ઊગ્યો કોંટો હો જી,
મારી વાડીમાં ખીલ્યો ગલગોટો હો જી.
કોનું તે ખેતર ને કોનાં તે બીજ ને કોની મોલાતું હિલ્લોળે ?
કોનો તે મારગ ને કોની તે કેડિયું ને કોનાં પગલાં કોણ ખોળે ?
પડે અટકળનો દાખલો ખોટો હો જી
મારી વાડીમાં ખીલ્યો ગલગોટો હો જી.
Print This Article
· 
Save article As PDF · 
Subscribe ReadGujarati
« Previous અંઘોળ – ભગવતીકુમાર શર્મા
લાલજીભાઈ,
સુંદર રૂપક કાવ્ય આપ્યું. કોનું આ બધું ? … આવી અટકળો બધી ખોટી જ પડે છે ને ?
કાલિદાસ વ. પટેલ {વાગોસણા}