કરી બેઠા ! – હર્ષદ ત્રિવેદી

સરોવરમાં તમે તો કાંકરીચાળો કરી બેઠાં,
ખબર છે ભર શિયાળે ધોમ ઉનાળો કરી બેઠાં ?

હંમેશાથી અમારો જીવ છે તો શાંત પાણીનો,
નજીવી વાતનો શું કામ હોબાળો કરી બેઠાં ?

અહીં આંસુ મૂકીને આંખ કોરી લઈ જતાં સઘળા,
તમે અપવાદ થઈને કાયમી ઢાળો કરી બેઠા ?

લગાવ્યો છે ઋતુઓનો અમે અંદાજ ધીરજથી,
નથી એવું કે જોયું ઝાડ ને માળો કરી બેઠા !

જીવન છે તો વ્યથા, વિસ્મય, વીતક, વ્યવહાર હોવાનાં,
જરી જીરવ્યું નહીં ને આળપંપાળો કરી બેઠાં ?

ઊઠીને કોણ ત્યાં લગ જાય ? અમારે તો અઠે આસન,
ભરીને આગ ભીતરમાં જ હેમાળો કરી બેઠા !

ઘણાં પદ્માસનોની જોઈ છે એવી ય અંદરવટ,
ભરી બંધૂક ઑગાળીને કરતાળો કરી બેઠા !

હતા અંગત અને બેઠા હતા પંગત મહીં ‘હર્ષદ’
થઈ દરિયાવ દિલના આદમી ટાળો કરી બેઠા ?

અહીં તો બાદબાકી ને બધે બસ બાદબાકી છે,
તમે ‘હર્ષદ’ ખરા સાલસ કે સરવાળો કરી બેઠા !


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous ઝીણીવાત – નવનીત શાહ
હૃદયની છાપ – દિનેશ દેસાઈ Next »   

6 પ્રતિભાવો : કરી બેઠા ! – હર્ષદ ત્રિવેદી

  1. jigna trivedi says:

    સુંદર ગઝલ માણવા મળેી.

  2. gita kansara says:

    સરસ ભાવાર્થમય ગઝલનો પયપાન કરવા મલ્યો.

  3. GAURANG JOSHI says:

    saras sabda prayogo vali kavitao janva mali

  4. devang hirani says:

    સર્ચ કરિ બેથા ને તમારિ ગજલ વાચિ બેથા,
    નોતિ ખબર ગજલ વાચિ આવિ મોજ કરિ બેથા.

  5. Jagruto says:

    Nice collection of gazal

  6. અનંત પટેલ says:

    બહુ સરસ ગઝલ. અભિનંદન

આપનો પ્રતિભાવ :

Name : (required)
Email : (required)
Website : (optional)
Comment :