- ReadGujarati.com - http://www.readgujarati.com -

કોણ મોટું ? – પ્રેમશંકર નરભેરામ ભટ્ટ

તું નાનો હું મોટો ! એવો ખ્યાલ જગતનો ખોટો.
આ નાનો, આ મોટો, એવો મૂરખ કરતાં ગોટો.

ખારા જળનો દરિયો ભરિયો, મીઠા જળનો લોટો,
તરસ્યાને તો દરિયાથીયે, લોટો લાગે મોટો.

નાના છોડે મહેકી ઊઠે, કેવો ગુલાબ-ગોટો !
ઊંચા ઊંચા ઝાડે તમને, જડશે એનો જોટો ?

મન નાનું તે નાનો, જેનું મન મોટું તે મોટો.
પાપીને ઘેર પ્રભુ જનમિયા, બડો બાપ કે બેટો ?