મારો પત્ર – પ્રણવ પંડ્યા

[‘કવિતાથી વધુ કંઈ નહીં’ પુસ્તકમાંથી સાભાર.]

શબ્દની દીવાલ મારો પત્ર છે
દોસ્ત, મારું વ્હાલ મારો પત્ર છે

ક્યાં જઈને પ્હોંચશે કોને ખબર ?
ઊડતો ગુલાલ મારો પત્ર છે

આભ પરબીડિયું ને અક્ષર તારલા
કેટલો વિશાળ મારો પત્ર છે

શાહીને બદલે લખ્યો છે લોહીથી
એટલે તો લાલ મારો પત્ર છે

મેં લિખિતંગ નામમાં આરસ મૂક્યો
એક તાજમહાલ મારો પત્ર છે

Leave a comment

Your email address will not be published. Required fields are marked *

       

9 thoughts on “મારો પત્ર – પ્રણવ પંડ્યા”

Copy Protected by Chetan's WP-Copyprotect.