રીડગુજરાતી : નવમા વર્ષમાં મંગલ પ્રવેશ – તંત્રી
પ્રિય વાચકમિત્રો,
ફરી એકવાર રીડગુજરાતીના આજે નવમા વર્ષમાં મંગલ પ્રવેશ નિમિત્તે આપને મળવાનું થઈ રહ્યું છે તેનો અપાર આનંદ છે. આપ સૌની શુભેચ્છાઓ ચાહું છું. આપણે સૌ જાણીએ છીએ કે આપણા જીવનમાં બધા જ દિવસો કે બધા જ વર્ષો એક સરખા નથી જતાં. એવું જ કંઈક આ વર્ષે રીડગુજરાતી સાથે પણ થયું છે. આમ કહું તો આ વર્ષ ‘રજાઓનું વર્ષ’ રહ્યું છે. સાહિત્યમાં તો કદી મંદી આવે નહીં પણ પ્રમાણમાં ઘણા ઓછા લેખો આપી શકાયા, એટલે જાણે મંદીનું વર્ષ પસાર થઈ ગયું હોય એવું લાગ્યું.
ખેર, ઉતાર-ચઢાવ જીવનનો એક ભાગ છે. જે ઉત્તમ વિચારો અને કપરી પરિસ્થિતિમાં મનને શાંત રાખવાની કળા શીખવતા લેખો મૂક્યા હોય એનો પ્રેક્ટિકલ ઉપયોગ આવા મંદીના સમયમાં થતો હોય છે. થોડોક વિરામ અને વિશ્રામ તાજગી તો આપે જ છે પણ સાથે નવા વિચારો પણ આપે છે. લાંબાગાળાના આયોજન માટે આ મંદીમાં ઘણા નવા વિચારો પ્રાપ્ત થયા.
મને ખ્યાલ છે કે રોજ હજારો લોકો રીડગુજરાતી વાંચે છે. એક દિવસ નવા લેખો ન મળે તો મનનું ટોનિક ન મળ્યાનો અભાવ તેઓને વર્તાય છે. લાંબી રજાઓ અને મોટા વેકેશને તેમને ઘણા વ્યથિત કર્યા હશે. વળી, જે લેખો સમયાંતરે આપવામાં આવ્યા એ પણ હજુ વધારે ઉત્તમ કક્ષાના આપી શકાયા હોત એમ મનમાં થયા કરતું હશે. જેમ કે સરસ મજાની બોધપ્રદ ટૂંકી વાર્તાઓ વાંચવાનું બધાને ખૂબ ગમતું હોય છે. કંઈક સરસ વાંચવાનું મળે તો મૂડ ફ્રેશ થઈ જાય એવો સૌનો ભાવ હોય એ સ્વાભાવિક છે. પરંતુ એની જગ્યાએ કોઈક વાર માત્ર સૂવાક્યો કે ટૂંકા નિબંધો જોઈને ઘણાને નિરાશા વ્યાપી હશે. ઘણા બધા વાચકોને પ્રશ્નો થયા હશે કે રીડગુજરાતીનું સ્તર કેમ આમ થઈ ગયું છે ? નિયમિતતા ક્યાં ગઈ ? કેમ જૂના લેખો ફરી મૂકવામાં આવે છે ? કેમ આટલી બધી રજાઓ ?
આમ તો આ બધા જ પ્રશ્નોના જવાબ મેં આપ્યા છે. પરંતુ આજે ફરી એકવાર સ્પષ્ટતા કરવાનું જરૂરી સમજું છું. ગત ઓક્ટોબર માસથી એકદમ Deep concentration ને કારણે મને Anxity નામની એક માનસિક બિમારી થઈ. આ થવાનું કારણ તો અગાઉ ન સમજાયું, પણ ઘણા સમય બાદ ખબર પડી કે આ મનની અતિશય વ્યસ્તતાનું પરિણામ છે. ન ગમતું કામ હોય ત્યારે મન થાકે છે અને સમજાય છે પરંતુ ગમતું કામ હોય તો મન ક્યારે થાકે છે એનો ખ્યાલ નથી રહેતો અને આપણે કામ કર્યે રાખીએ છીએ. જે રીતે ભાવતા ગુલાબજાંબુ બે-ચાર વધારે ખવાઈ જાય તો ખ્યાલ નથી રહેતો ! Anxity એટલે ઉત્તેજના. એક પછી એક સતત કામ કરવાની ઉત્તેજના લાંબો સમય રહે તો તમને તમારા રોજિંદા કાર્યોમાં પણ એવી ટેવ પડી જાય છે. આ એક મનની આદત છે. નાના સરખા કામમાં પણ તમને પરીક્ષાનું પરિણામ આવવાનું હોય એવી ઉત્તેજના રહે. આ ઉત્તેજના સાથે કોઈ પણ ઘટનામાં તમે ઊંડાણપૂર્વક જોડાઈ જાઓ પરિણામે આ એક બિમારી બની જાય અને એકનો એક વિચાર મનમાં ઘૂમ્યા કરે અને મન એનાથી થાકી જાય. ભલે ને એ વિચાર ગમે એટલો સારો કેમ ન હોય ! મનની આ સ્થિતિને કારણે દરેક કાર્ય એક બોજ બની જાય. એટલે કે આવતીકાલે પિકનિક જવાનું હોય તો એ પણ જાણે એક પ્રકારનું કામ હોય એવો માનસિક બોજ રહે, એમાં આનંદ ન અનુભવાય.
જ્યારે આ બધી માનસિક બિમારી હોય ત્યારે લોકો મનોચિકિત્સકનો સંપર્ક કરતા હોય છે, પરંતુ અંતે તેમાં ઊંઘની દવાઓ લઈને મનને આરામ આપ્યા સિવાય બીજો કોઈ ઉપાય હોતો નથી. મનની આ ટેવ કે વલણ બદલવામાં દિવસો લાગે છે. જીવનની પદ્ધતિ અને કામનો પ્રકાર બદલવો પડે છે. દવાઓ કરતાં લોકસંપર્ક, રમતગમત, વાતચીત, મૂવી, ફોટોગ્રાફી, મિત્રો સાથે આનંદની પળો માણવી એ ઉત્તમ ઉપાય છે. આ ઉપાય ધીમો પણ લાભકારક છે એમ મને અનુભવે સમજાયું. અતિશય વાંચન અને એક ધાર્યું વર્ષોનું કામ મનને થાક આપે એ સ્વાભાવિક છે. જેમ વર્ષો સુધી ક્રિકેટ રમનારને સ્નાયુઓની તકલીફો થાય છે એમ વર્ષો સુધી મનનો વધુ ઉપયોગ કરવાને લીધે આવી તકલીફ થવી સ્વાભાવિક છે.
પરંતુ આવી તકલીફ આશીર્વાદ લઈને આવે છે. એમાં આપણને થોડો વિરામ મળે છે. જાત સાથે સમય માણવાની તક મળે છે. નાનકડું વેકેશન મળી જાય છે. લાંબાગાળે આનો ઉકેલ શું કરી શકાય એનું આયોજન વિચારી શકાય છે. રીડગુજરાતીનું કામ સતત વધતું રહે છે. વાચકો તો જાણે છે કે રોજના બે લેખ જ મૂકાય છે (અને હમણાં તો વળી એક જ) પરંતુ એ બે લેખો માટે સતત મળતા રહેતા સેંકડો લેખો, રોજના વાચકોના ફોન, ઈ-મેઈલના જવાબો સહિત અનેક નાનામોટા કામોનું ભારત વધતું જ રહે છે. આથી, કોઈ એક વ્યક્તિ પોતાનો પૂરતો સમય આપી દે પછી પણ ઘણા કામ બાકી રહી જાય તો એ માટે થઈને કંઈક આયોજન વિચારવાનું જરૂરી રહે છે. આ આયોજન માટે હાલમાં તો એક કોમ્પ્યુટર અને એક ટાઈપિસ્ટને વાર્ષિક પગાર આપી શકીએ એટલી જરૂરી વ્યવસ્થા ઊભી કરવાનું વિચાર્યું છે જેથી મારું કામનું ભારણ ઘટી શકે. આ માટે કોઈ દાતા, સંસ્થા કે સરકારની કોઈ યોજના માટેની શોધ ચાલુ છે. એકાદ લેખ ઓછો કરીને પણ દિવસનો થોડો સમય હું આ વ્યવસ્થા અંગેની શોધ કરવા પાછળ વીતાવવાનું વધુ યોગ્ય સમજું છું.
અનિયમિતતા મને ગમતી નથી, પણ મારી મજબૂરી છે. અને કોઈ પણ કામ હું બોજ કે તાણ લઈને કરવા નથી માગતો. સાહિત્ય તો આનંદ આપનારું છે, એનાથી જ જો સ્ટ્રેસ થાય તો તો પછી ક્યાં જવું ? અંતે હું પણ એક માણસ છું. સુખ-દુઃખ, જીવનના ચઢાવ-ઉતરાવની મારા પર પણ એટલી જ અસર થાય છે જેટલી એક સામાન્ય માનવીને થવી જોઈએ. તેમ છતાં એમાંથી જલ્દી બહાર નીકળીને સમાજને કંઈક શુભ આપી શકાય એવી કોશિશ સતત કરતો રહું છું. ઘણીવાર આ કોશિશ નાકામિયાબ નીવડે ત્યારે શાંતિ રાખીને થોડો સમય પસાર થઈ જવા દેવો યોગ્ય લાગે છે. એમાં કંઈ રીડગુજરાતીની વેલ્યુ ડાઉન થઈ જવાની નથી ! આ કોઈ ‘બ્રાન્ડ’ કે ‘પ્રોડક્ટ’ નથી કે જેના વેચાણ માટે સતત મથતા રહેવું પડે. આ તો આંબો છે. કોઈ વર્ષે કેરી ઓછી પણ આવે અને કોઈ વર્ષે મબલખ પાક પણ ઊતરે ! ઘણા લોકો મને કહે કે આટલી બધી રજાઓ પાડો તો લોકો શું વિચારશે ? રીડગુજરાતીની ‘ગુડવીલ’નું શું થશે ? એના ‘બ્રાન્ડનેઈમ’નું શું થશે ? સબસ્ક્રીપ્શન લેવાનું શરૂ કર્યા પછી જ કેમ રજાઓ વધારવા માંડી ? – જેટલા મુખ એટલા સવાલો ! આપણી પાસે કંઈક કરવા કરતાં સલાહો અને સવાલો કરવા માટે ઘણો સમય હોય છે ! એથી બધાને વ્યક્તિગત જવાબ આપવાને બદલે આ રીતે સામુહિક જવાબ આપવાનું મને વધારે અનુકૂળ પડે છે.
ઘણા બધા નવસર્જકમિત્રોના લેખો જોઈ શકાયા નથી, તેમના ઈ-મેઈલના જવાબ આપી શકાયા નથી, લેખનો સ્વીકાર કર્યા પછી પણ સાઈટ પર પ્રકાશિત કરવામાં વિલંબ થયો છે – એ સૌ પાસે ક્ષમા ચાહું છું. વાંચન માટે આતુર સૌ વાચકમિત્રોને જલ્દીથી બે લેખ આપી શકું એ માટે હું પૂરી બનતી કોશિશ કરીશ. ફરી એકવાર નવમા વર્ષમાં મંગલપ્રવેશ નિમિત્તે આપની શુભેચ્છાઓ ચાહું છું અને સાથે સૌ લેખકમિત્રો, પ્રકાશકો, સંપાદકો અને રીડગુજરાતીને આર્થિક સહયોગ કરનારા સૌનો આભાર માનું છું. આવતીકાલે એક વિરામ લઈને ગુરુવારે નવા લેખ સાથે ફરી મળીશું. ત્યાં સુધી સૌને મારા પ્રણામ.
લિ.
મૃગેશ શાહ
તંત્રી, રીડગુજરાતી.
મો: +91 9898064256
Print This Article
· 
Save article As PDF · 
Subscribe ReadGujarati
દવાઓ કરતાં લોકસંપર્ક, રમતગમત, વાતચીત, મૂવી, ફોટોગ્રાફી, મિત્રો સાથે આનંદની પળો માણવી એ ઉત્તમ ઉપાય છે. વાહ વાહ !!!!!!!
રોજ સવારે ૧૫ મિનિટ નિયમિત ધ્યાન કરો.. ચૂક્યા વગર્…
સ્નેહીશ્રી મૃગેશભાઈ,
“રીડ ગુજરાતી” ના જન્મ દિવસે હાર્દિક શુભેચ્છાઓ.
રીડ ગુજરાતી વધુને વધુ “રિડાતું” રહે,મૃગની જેમ હરણફાળ ભરે, અને આપના “ગુજરાતી ગોખલા” માં વિશ્વના તમામ ગુજ્જુભાઈ-બહેનો ડોકાવા આવે તેવી અંત:કરણની અભ્યર્થના..!!
શ્રી મૃગેશભાઈ,
નવમા વર્ષમાં પ્રવેશ બદલ અભિનંદન. આપવિતિ ઘણી લંબાણ પુર્વક લખાઈ છે. આ જોતાં લાગે છે કે આપને વર્ક એડીકટ નો પણ રોગ છે. બદામ પીસ્તા (ડ્રાયફ્રુટ)પૌષ્ટીક પણ તે રોજ ખાતા નથી. તેમજ વિલાયતી દવાઓ રોજ ખાતાં શરીરમાં ઘર કરી જાય અને તે અસર કરતી બંધ કરી દે એટલે તેનું હાયર વર્ઝન લેવું પડે છે. આ પ્રક્રિયા ચાલુ રહે અને તે દવાની આડ અસરો ઊભી થાય તે આપણા બધાનો અનુભવ છે.
મારા મેનેન્ઝાઈટીસ રોગમાં મને વૈદકિય સલાહ હતી કે કામના સમયે દર એક કલાકે ૧૦ થી ૧૫ મિનિટ કામ છોડી લટાર મારવી ખૂબ જ આવશ્યક છે. અને આપ અઠવાડિયે એક વાર મળવાનું રાખશો તો તમને અમને આનંદ થાશે.
ચન્દ્રકાન્ત લોઢવિયા.
Wish you very happy birthday to ‘Read Gujarati’ and Mrugeshbhai. Have a healthy and wonderful time ahead. Keep yourself fit and fine Mrugeshbhai, sometime it happens that everything not working as per our schedule. Timely break is definitely required for long term planning in every task and as you are doing marvelous work of literature so you are deserve it too. Keep your mind free, don’t worry about what other thinks, listen to music, go to gym, enjoy vacation on time to time(for that matter you can also visit my place..any time) and keep writing as per your wish. Again wish you very happy birthday dear 🙂
રીડ ગુજરાતી ના નવમા જન્મ દિવસે હાર્દિક શુભેચ્છાઓ.
Dear Mrugeshbhai,
Wish you all the best for the coming year. May God bless you with good health! I Hope you will be as well as before and your attempt to cherish our heritage more enthusiastically.
Janakbhai
રીડ-ગુજરાતીને જન્મદિનની હાર્દીક શુભેચ્છા. અભિનંદન.
ઘણા વખત પછી પાછો આવ્યો. કદાચ નિયમિત ન થવાય તો ચલાવી લેજો. પણ ઘણા વર્ષ પહેલાંનો સંબંધ તાજો કરવા ઉમંગ થયો; અને તરત અમલીકરણ!
કોઈ જાતની તાણ સાથે કામ ન જ કરવું. જે કરીએ તેમાંથી આનંદ મળતો રહે – તો જ તે સાર્થક.
તમારી બધી વ્યથાઓ દૂર થાય, એવી અંતરની અભિલાષા અને આશિષ.
રીડ ગુજરાતી ડોટ કોમને ખૂબ ખૂબ શુભેચ્છાઓ….
It is your birthday also.
So, wish you and readgujarati Happy Birthday.
રીડ ગુજરાતી ના જન્મ દિવસે હાર્દિક શુભેચ્છાઓ.
રોજ સવારે ૧૫ મિનિટ નિયમિત શહ્સ્ર્આચકર પ્૨ ધ્યાન કરવુ જોઍ.
“રીડ ગુજરાતી” ના જન્મદિન નિમિત્તે હાર્દિક શુભેચ્છાઓ.
માયલાં ને આનંદમાં રાખવાથી દરેક સમસ્યાઓ નો નીચોડ હાથ વેંતમાં જ રહેશે. શુભેચ્છાઓ !
હાર્દિક શુભેચ્ચ્હાઓ સહ જલ્દિ સાજા થાઓ એવિ પ્રભુ ને અન્તર્તમ પ્રાર્થના.
વાચકો આપ્નિ સાથે જ રહેશે એવિ અપેક્શા.
નવા વર્શ માં પ્રવેશ બદલ હાર્દીક શુભકામના.
Dear Mrugeshbhai,
Many Many Congratulations on this 9th July for entry of “Read Gujarati” in 9th year and Many Happy Returns of this special Day for you. Wish you healthy, peaceful and fruitful year ahead.
Our beloved “RG” has completed 8 successful years and its not a small span. U had already created the Landmark in Gujarati Web world and have served to Gujarati Sahitya through your hard work and dedication. Let’s enjoy these satisfactory moments with rest.
Take care,
Moxesh.
તમને તથા રીડ ગુજરાતીને ‘નવ’ વર્ષની અનેકગણી શુભેચ્છાઓ.
http://www.indiegogo.com/projects/readgujarati-9-8-7/
હું તો એવુ માનું છુ કે આટલુ ઉત્તમ સાહિત્ય મફત મા ઓનલાઈન ક્યા મળે છે? રીડ ગુજરાતી રૂપી આંબા ઉપર એટલો બધો મબલખ પાક ઉતરી ચુક્યો છે કે અમુક વરસો સુધી કેરી ના આવે તો પણ વાધો આવે તેમ નથી પણ આંબો જીવિત રહે તેવા પ્રયત્નો આપણે સૌએ કરવા રહ્યા જેથી ઉત્તમ ફળ ની આપણી સૌની આશા બની રહે. એક આડ વાત પણ કહેવાની કે રીડ ગુજરાતી નાં તંત્રી શ્રી રીડ ગુજરાતી ને તો પોતાનો અમૂલ્ય ફાળો આપે જ છે સાથે સાથે અન્ય સામાજીક કાર્યો પણ નિશુલ્ક ભાવે કરતા રહે છે, જે આપણે સૌએ ભૂલવું જોઈએ નહિ રીડ ગુજરાતી એ કલ્પવૃક્ષ છે જેના આજીવન મીઠા ફળો આપણને મળતા રહેવાના છે જેમાં શંકા ને કોઈ સ્થાન નથી માત્ર આપણે સૌએ સહિયારા પ્રયત્નો થકી ખાતર-પાણી સિંચતા રહેવાનું છે.રીડગુજરાતી ને જન્મદિન નિમિત્તે હાર્દિક શુભકામનાઓ.
Happy Birthday – Mrugesh bhai & ReadGujarati
… એક વાચક તરફથિ નાનકડિ ભેટ તરિક ફુલની પાન્ખડી -> http://www.indiegogo.com/projects/readgujarati-9-8-7/
Request to all readers and supporters to make this campaign RG9-8-7 a success!
dhanyavAdaH,
harsh
ખુબ ખુબ અભિનંદન મૃગેશભાઈ……
special thanks to you sir and Happy Birth day to READ GUJARATI
Happy birthday. Wish you grow to 100 yrs of the age !!!!!
“રીડ ગુજરાતી” ના જન્મદિન નિમિત્તે હાર્દિક શુભેચ્છાઓ.
In todays fast life , it is advisable to consult sycastratit, and taje the medicais as per advise, some time we can live comfortaby. Day in not far when person will go to sycstriat as they are going to medical dr. However one has to us his dicretaion wisely. There is nothing wroig to go to cycstrict one it is reqyired, > And I do not think they will misguide you.
ખુબ ખુબ અભિનન્દ અવુ સહિત્ય ક્યાય ન મલે
મૃગેશભાઈ, આપને તથા રીડગુજરાતીને જન્મદિન નિમિતે ખૂબ ખૂબ અભિનંદન.
પ્રિય ReadGujarati અને મુકેશભાઈ,
જન્મદિન માટે શુભેચ્છાઓ. ખાત્રી છે કે તમે ફરીથી મનથી સ્વસ્થ થઈ જશો. એ માટે અમારા તરફથી BEST LUCK.
વીરેન-વેણુ
Congratulation to Mrugeshbahi. Wish you good health all the time.
ખુબ ખુબ અભિનંદન!
years
raj
congratulation
Happy Birth Day to Read Gujarat and Mrugeshbhai
excellent job in this 9 years
raj
Happy birthday to read gujarati and Mrugeshbhai
special Thanks to Mrugeshbhai I have no wards to explain your very very hard wok God bless you
ખુબ ખુબ અભિન્ંદન.
હાર્દિક શુભેચ્છાઓ. તમારી તબિયત પહેલા સાચવજો.
રીડગુજરાતી પરથી મને મારી ઢીંગલી માટે સરસ બાળકાવ્ય જડેલું. ડૉ. આઇ. કે. વીજળીવાળા રચિત ‘લ્યો ટબૂકબેન મારો તાળી’ જ્યારે પણ હું ગાઉં, મારી ઢીંગલી તાળી પાડીને ઝૂમી ઉઠતી, એને જોઇને મેં પાવરપોઇન્ટમાં ચલચિત્ર બનાવ્યું.
મૃગેશભાઇ, આજના દિવસે અહિં વાચકમિત્રોને આ બાળગીત શેર કરું છું.
રીડગુજરાતી ના એક-બે મોતી જેને મેં ઇ-વિધ્યાલયની વિડીઓ લાઇબ્રેરીની માળામાં પરોવ્યાં છે, (આપની અને ડો. સાહેબની પરવાનગી સહ) જે આજે અહિં સ્વીકારશોજી. (એક નાનકડી ભેટ).
લ્યો ટબૂકબેન મારો તાળી
or
http://www.youtube.com/watch?v=WBJ4q5Ak5-c
આભાર.
જન્મ્ દિવસ ના ખુબ ખુબ અભિનન્દન. આવનાર સમય ની શુભેચ્છાઓ.
રીડગુજરાતીના નવમા વર્ષમાં પ્રવેશ બદલ અભિનંદન. આમ તો નવ નવ મહિના તમે રીડગુજરાતીને માતા જેમ બાળકને ગર્ભમાં પોષે તેમ પોષ્યું છે. હવે તો તે બાળકમાંથી વિરાટ પુરુષ બની ગુજરાતી લોકોમાં સંસ્કારનું, શિક્ષણનું તેમજ જ્ઞાનનું સિંચન કરી રહ્યું છે. ખરેખર ગુજરાતી માતૃભાષાની આ શ્રવણ સેવા છે.
Happy Birthday to READ GUJARATI.
It gives a platform to a new new emerging talents in the field of writing, and also creates interests of reading in youth.
Get Well Soon…… Mrugesh Bhai…
અપ્ર ર બ સ વ
Mrugeshbhai, many many happy returns of the day.Practice Dhyan and pranayama regularly.
Dear Mrigeshbhai,
I was worrying that you are over burdened as you are working as one man army.
Ye to hona hi tha…
If we want to take advantage from you for longer period,we will have to keep patience, we are ready,we understand.
So please read signals from body within,change life style and be healthy by body and mind.
Happy birthday to you and ReadGujarati.com.
હવ સારા વાના થયઇ જાહે . જૈ સિ કૃષણ
શુભેચ્છાઓ અને અભિનંદન!
મારી શુભેચ્છાઓ તો તારા અને ‘રીડ ગુજરાતી’ માટે ૨૪x૭, છે.
પ્રભુ તને લાઁબી ઈનિઁગ્સ રમવાની શક્તિ અને સામર્થ્ય આપે.
ગોપાલકાકા
શુભેચ્છાઓ અને અભિનંદન!
રીડ ગુજરાતી.કોમને નવમા વર્ષમાં પ્રવેશ બદલ ખુબ ખુબ અભિનંદન
સુભાષ પટેલ
મારા પ્રિય મ્રુગેશભાઇ,
ગુજરાતી ભાષાની સાચા અર્થ માં સેવા કરી રહ્યા છો ત્યારે આ માઈલ સ્ટોન પર પહોન્ચવા બદલ અભિનંદન. ખુદા કરે રીડ ગુજરાતી જેટલી અમને પ્રિય છે એટલીજ આખાય જગતમાં પ્રસિદ્ધ અને લોક પ્રિય બને. – આપની સાથે મિત્ર સંબંધ હોવાનો ગર્વ છે મને.
— આશુતોષ દેસાઈ.
સ્નેહીશ્રી મૃગેશભાઈ,
“રીડ ગુજરાતી” ના જન્મ દિવસે હાર્દિક શુભેચ્છાઅને અભિનંદન!
-પ્રવિણ કે.શ્રીમાળી
તંત્રી – યુવારોજગાર
મૃગેશભાઈ,
આપને અને રીડગુજરાતીને હાર્દિક અભિનંદન. આવનાર વર્ષમાં તમે Anxietyની જાળમાંથી મુક્ત થઈ જાઓ એવી પ્રભુપ્રાર્થના. રીડગુજરાતીની આંબા સાથેની સરખામણી એકદમ યોગ્ય લાગી. તમે તમારી સમજ અને શક્તિ પ્રમાણે આગળ વધતા રહો, વાચકો અને નિયતીનો સાથ મળતો જ રહેશે.
નયન
અલભ્ય “રીડ ગુજરાતી” નિયમીત વાંચી શકતો નથી,તેનુ દુ:ખ છે.ગુજરાતી સાહિત્યના આ મહાસાગરને જન્મ દિને દિલની શુભેચ્છા ……તથા મગજને પરસેવો પાડતી સતત મહેનત માટે આદરણિય મૃગેશભાઇને સારા સ્વાસ્થ્ય માટે પ્રભુને પ્રાર્થના.
ખુબ ખુબ શુભેચ્છાઓ
નવમા વર્શના પ્રવેશ માતે હાર્દેીક શુભેચ્હા.
મૃગેશભાઈ, ખુબ ખુબ શુભેરછા!!! અંતરથી અભિનંદન…
Very nice
Too good