આવે છે – નીલેશ પટેલ

[‘અખંડ આનંદ’ માંથી સાભાર.]

દોસ્ત નિષ્ફળતા લાખ આવે છે,
દિલને મજબૂત તો બનાવે છે.

રોટલો તો મળ્યો ભિખારીને,
રાતને ઓટલો વિતાવે છે.

મૂળથી આ શિખર સુધીનું દુઃખ,
જો, અધૂરું ફરી લખાવે છે.

આંગણું જે ગરીબ ઘરનું છે,
ત્યાં જ પંખીનું ટોળું આવે છે.

હું ય ભાંગીને ભુક્કો થઈ જઉં,
એક તારું સ્મરણ બચાવે છે.

એ હજી પણ નથી થયો પગભર,
એક પરપોટો ઘર બનાવે છે.

છાંયડને જરાય ચેન નથી
તડકો આખો દિવસ ભગાવે છે.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous માણસ કેવો ? – કેયૂર સોની
ખુશી મેળવવાનો સચોટ ઉપાય – નીલમ દોશી Next »   

8 પ્રતિભાવો : આવે છે – નીલેશ પટેલ

  1. Kalidas V. Patel { Vagosana } says:

    નીલેશભાઈ,
    બહુ જ સુંદર ગઝલ આપી. આભાર સાથે અભિનંદન.
    મૃગેશભાઈ,
    છેલ્લેથી બીજી લીટીમાં … છાંયડાને … સુધારી લેશોજી.
    કાલિદાસ વ. પટેલ { વાગોસણા }

  2. sandhya Bhatt says:

    બળકટ ગઝલ…નીલેશભાઈ, તમારી એકલ્વ્ય જેવી સાધના અમર રહો..

  3. Aarti Bhadeshiya says:

    આંગણું જે ગરીબ ઘરનું છે,
    ત્યાં જ પંખીનું ટોળું આવે છે.

    ખુબ સરસ લાઈન નિલેશભાઈ

  4. jigna trivedi says:

    સુંદર ગઝલ.

  5. darshana says:

    હું ય ભાંગીને ભુક્કો થઈ જઉં,
    એક તારું સ્મરણ બચાવે છે.

    એ હજી પણ નથી થયો પગભર,
    એક પરપોટો ઘર બનાવે છે.

    wah bahu j sundar lines…

  6. Vishal Rupapara says:

    ખુબ સુંદર રચના છે નિલેશભાઇ..

  7. Shaikh Fahmida. says:

    Shaikh Fahmida. Excellent gazal.”aangu je garib gharnu che tya j Pankhi nu tolu aave che””. Very nice .

  8. Darshan Rana says:

    Khrekhar adbhut, ‘Garib na gher’ vado sher mast

આપનો પ્રતિભાવ :

Name : (required)
Email : (required)
Website : (optional)
Comment :