કેટલાક અછાંદસ કાવ્યો – ગોવિંદ શાહ
[ રીડગુજરાતીને આ કાવ્યો મોકલવા બદલ શ્રી ગોવિંદભાઈનો (વિદ્યાનગર) ખૂબ ખૂબ આભાર. આપ તેમનો આ સરનામે bahati177@yahoo.com અથવા આ નંબર પર +91 9375012513 સંપર્ક કરી શકો છો.]
[1]
તમારા આંગણેથી પાછો આવી ગયો છું,
કહો તો ફરી પગલાં પાડી શકું છું,
હું કંઈ વીતેલો સમય નથી,
કે પાછો ન આવી શકું.
હું તો સાગરની લહેર છું,
કિનારે પાછો આવી શકું છું,
હું તો પલકાતી પાંપણ છું,
કહું ત્યારે ઉઘાડબંધ કરી શકું છું.
[2]
મને ખબર છે તું આવવાની જ છું,
પરંતુ ન આવતી વસંતની વિદાયે
પેલા ચંદ્ર જેવી ન કરીશ દશા મારી
કળીને ખીલવાની જોતો રાહ
ચંદ્ર રાતભર જાગતો રહ્યો
અફસોસ કે
પ્રભાતે ખીલી કળી, ચંદ્ર નંદવાઈ ગયો.
[3] હૂંફ
મારી હથેળીમાં
ના મૂકશો આ બરફને
પળવારમાં તે પીગળી જશે
ઠંડક થોડી પ્રસારીને….
મૂકજો તમારા કોમળ હાથ જેથી
આ વેરાન જિંદગીમાં
થોડી ખુશ્બુ પણ મહેંકી જાય
થોડી હૂંફ પણ આવી જાય.
Email This Article
· 
Print This Article
· 
Save article As PDF · 
Subscribe ReadGujarati
« Previous સંબંધોની વાડ – પ્રતિભા ગજેરા
ખુબજ સરસ કવિતા છે …
મને સરસ ગમે છે ..
કવિ : જાન
જન્માષ્ટમી નિમીત્તે
આવ રે કનૈયા આવ
હું સાદ કરી તને બોલાવું
તારા માટે આંગણ સજાવું
તને ફુલડે ફુલડે વધાવું
તારા માટે માખણ લાવું
કનૈયા હોંશે હોંશે ખવડાવું
તારા માટે દહીં-દુધ લાવું
પછી તને પ્રેમથી પીવડાવું
આવ રે કનૈયા આવ