મૃગેશભાઈની પ્રથમ પુણ્યતિથિએ….

Mrugesh Shahગત તારીખ ૫મી જૂન 2014ના રોજ આપણી વચ્ચેથી દૂર થયેલા મૃગેશભાઈના અવસાનને જોતજોતામાં એક વર્ષ થઈ ગયું, સમય તેની ગતિએ સરતો રહે છે, બદલાવ એ દુનિયાનો નિયમ છે અને મૃત્યુ તો અકળ છે એવી બધી વાતો ખબર હોવા છતાં એક સહ્રદય મિત્ર, એક સ્પષ્ટવક્તા સલાહકાર અને સરળ વ્યક્તિત્વને ગુમાવવાનો વસવસો ઓછો થતો નથી. અને એ ફક્ત મારા માટે જ છે એવું નથી, કેટલાયને માટે મૃગેશભાઈ પથદર્શક બનતા ગયા છે.

અનેક સર્જકોની જેમ મારા સર્જનને, મારા લેખનને પણ ડાયરીની સીમાઓમાંથી અચાનક જ ઇન્ટરનેટના આકાશનો અનુભવ કરાવનાર મૃગેશભાઈએ ૨૦૦૫માં સર્વપ્રથમ વખત મારી બે કાવ્યરચનાઓ મૂકી હતી. ‘રીડગુજરાતી’ પર આવે એટલે તમારી કલમમાં કાંઈક તો જરૂર હશે એવો વાચકો અને એ જ ક્રમે લેખક બનેલા ઘણાંયનો અનુભવ મને પણ એ જ રીતે અક્ષરનાદ સુધી લઈ ગયો. મનનો ખોરાક અને હ્રદયની વાતોને વાચા આપતી કૃતિઓ સભર રીડગુજરાતીએ અનેક સર્જકોને મંચ આપ્યો છે, અનેકોની કલમને માર્ગ દેખાડ્યો છે અને એ સત્કાર્ય કરનાર મૃગેશભાઈ જ્યારે આપણી વચ્ચે નથી ત્યારે પણ રીડગુજરાતી તેમણે શરૂ કરેલા કાર્યને અખંડ આગળ વધારશે જ. રીડગુજરાતીનું સંચાલન હાથમાં લીધા બાદ આવા અનેક મિત્રોના ફોન દ્વારા મૃગેશભાઈ સાથેના તેમના ઋણાનુબંધ અને સ્નેહની વાત થાય ત્યારે લાગે કે મૃગેશભાઈએ એક અખંડ દીવો પ્રગટાવ્યો હતો જે અનેક દીવાઓને પોતાની જ્યોત આપતો ગયો છે.

આજે પ્રથમ પુણ્યતિથિએ…. મૃગેશભાઈ, દોસ્ત… જ્યાં જ્યાં વંચાય રીડ ગુજરાતી, ત્યાં સદાકાળ ગુજરાત…

‘કૃષ્ણં શરણં ગચ્છામી..’

– જીજ્ઞેશ અધ્યારૂ


· Print This Article Print This Article ·  Save article As PDF ·   Subscribe ReadGujarati

  « Previous સ્મરણાંજલી : મૃગેશભાઈના વિચારબિંદુઓ (ભાગ-૮)
બીજાના હિતની વાત કરો… – જયવદન પટેલ Next »   

10 પ્રતિભાવો : મૃગેશભાઈની પ્રથમ પુણ્યતિથિએ….

  1. Amee says:

    મૃગેશભાઈની ખોટ સાહિત્ય જગત્ વર્તાય છે.

    Really noble and nice man… he did lots on his shoulder to give good reading and literature to Gujarati people..

    RIP…..

  2. જવાહર says:

    મારા જેવા તો તેમના લાખો ચાહકો હશે. બધા પોતાની રીતે ભાવના વ્યક્ત કરશે. પણ તેમનું અમારા પરનું ઋણ કે જ્યારે અમે પરદેશમાં એકલા જ્યાં ભાષા, ધર્મ, રીતરિવાજ બધું જુદું હોય ત્યારે રીડગુજરાતી એક ઘણો મોટૉ સહારો થઇ પડતું એ ફેડી શકાય તેમ નથી. તેમનો છેલ્લો મેઇલ આ હતો.
    ReadGujarati
    date: 8 May 2014 at 10:52
    subject: help for android application

    Dear Reader,

    ReadGujarati wants to develop an android app for its large number of readers. This is on voluntary basis. If you are an android programmer, then please help for app development. Your contribution will put our literature to large number of android users.

    Please do not reply on this email. Just contact me on : shah.mrugesh@gmail.com or call me on +91 9898064256.

    Thanking you.

    from :
    mrugesh shah
    editor
    http://www.readgujarati.com

  3. મૃગેશભાઈનું આ લખનાર પર અહેસાન શી રીતે ભુલી શકાય? ‘બ્લોગ’શબ્દ જ સૌથી પહેલાં ‘રીડ ગુજરાતી’ પર વાંચેલો. એ વખતે દરેકે દરેક પોસ્ટ ધ્યાનથી વાંચવાની અને પ્રતિભાવ આપવાની ટેવ હતી. લગભગ દરરોજ તેમની સાથે ચેટ થતી. બ્લોગિંગની શરૂઆતના એ ગાળામાં આવી પડતી તકલિફો એ સુલઝાવી દેતા. ‘ગુજરાઈટી’ફોન્ટ વાળા(!) કિશોરભાઈ પછી, એમની પાસેથી જ યુનિકોડ ફોન્ટની માહિતી મળેલી.
    ‘રીડ ગુજરાતી’ના કામમાં અત્યંત વ્યસ્ત હોવા છતાં, ગુજરાતી પ્રતિભા પરિચય માટે ઘણી માહિતી મોકલતા રહેતા. તેમણે જ ગુજરાતી સાહિત્ય પરિષદના પ્રકાશન – ‘સાહિત્યકાર કોશ’ની માહિતી આપેલી અને જુ.ભાઈની મદદથી એ ખરીદી શકાયેલો.
    કાળક્રમે તેમની સાથે સમ્પર્ક ન જળવાઈ રહ્યો – એનું દુઃખ હમ્મેશ રહ્યું જ. એ ખોટ ચપટીક આ શ્રદ્ધાંજલિથી પુરી.
    પ્રભુ તેમના આત્માને પરમ શાંતિ અર્પે એવી પ્રાર્થના.

  4. Ekta says:

    મ્રુગેશ્ભાઇને કોટઇ કોટઇ વન્દન્

  5. Vikas Nayak says:

    મૃગેશભાઈ જ્યાં હોવ ત્યાં પરમ શાંતિ પામો એ જ ઇશ્વરને અભ્યર્થના…
    જીજ્ઞેશભાઈ તમે પણ તેમની જવાબદારી અને સ્વપ્નને જે રીતે પોતીકું બનાવી લીધું છે અને રીડ ગુજરાતીને આગળ ધપાવવાની યાત્રા ચાલુ રાખી છે એ અનુપમ છે,અજોડ છે.ભગવાન તમને શક્તિ આપે એ પ્રાર્થના અને મૃગેશભાઈ તો છૂપા સહાયક બની તમારી સાથે રહેશે જ!

  6. jignisha patel says:

    આજે બહુ દિવસે મ્રુગેશભાઈ નો ફોટો જોયો તો આંખોમાથી આંસુ આવિ ગયા.મને આજે પણ એમ લાગ્યા કરે છે કે તેઓ જેવા માનસ કદાચ બીજા નહી મળે.

  7. પરીક્ષિત જોશી says:

    રિડ ગુજરાતી અને એના સ્વપ્નદૃષ્ટા મૃગેશ શાહ વિશે કેટલીકવાર લખવાનું થયું છે. ક્યારેક ગુજરાતી માતૃભાષા માટે કંઇક કરી છૂટનારા યુવા સાહસિક તરીકે તો ક્યારેક રિડ ગુજરાતી જેવી શુદ્ધ ગુજરાતી ભાષા અને સાહિત્યની વેબસાઇટના સંચાલક-સંપાદક તરીકે..જ્યારે પણ જ્યાં પણ આવું લખાય અને પછી એમના ધ્યાન ઉપર આવે (અને, ચોક્કસપણે આવે જ…કારણકે એમના વિશાળ વાંચનના ફળરુપે તો રિડગુજરાતી સમૃદ્ધ બની રહી હતી અને છે..)ત્યારે પ્રતિભાવ આપે જ…પણ જ્યારે સાવ અચાનક આ જગતને છોડી ચાલી નીકળ્યાં ત્યારે એમને આપેલી શબ્દાંજલિ માટે એમના પ્રતિભાવની અપેક્ષા પણ કેવી રીતે રાખી શકાય…સોશિયલ મીડિયા દ્વારા જેમની મિત્રતા થઇ એવા મુકુલ જાનીએ તો લોગો પણ તૈયાર કરેલો…રિડ ગુજરાતીનો…રડે ગુજરાતી…(અને એ નવચેતન સામયિકના મારા લેખમાં સૌજન્ય સાથે પ્રકાશિત પણ કરેલો…) એક આખું વર્ષ વીતી ગયું છે પણ જીજ્ઞેશભાઇ જેવા મિત્રોની સહાયથી મૃગેશભાઇના દિવ્યસ્વપ્ન સમુ રિડગુજરાતી આપણી વચ્ચે ઉત્તરોત્તર પ્રગતિ સાધી રહ્યું છે…કવિ ખબરદારની પંક્તિઓમાં થોડી છૂટ લઇને જીજ્ઞેશભાઇએ કહેલી વાત..જ્યાં જ્યાં વસે ગુજરાતી, ત્યાં ત્યાં વંચાય રિડગુજરાતી…

  8. i k patel says:

    મ્રમૃગેશભાઈ ને પ્રથમ પુણ્યતિથિ એ શ્રધ્ધાંજલી, તેઓ તો રીડ ગુજરાતી ના માધ્યમ થી અમર છે.

  9. sandip says:

    અદભુત્…….

  10. કાલિદાસ વ. પટેલ {વાગોસણા} says:

    સમાજ સમક્ષ રજુ કરેલ એક સારો વિચાર પણ સમયાંતરે ઘણુંબધુ પરિવર્તન લાવી શકે છે. સ્વ. મૃગેશભાઈએ શરુ કરેલી આ રીડ ગુજરાતી એક જબરદસ્ત પરિવર્તનકારી અને સાહિત્યસેવા માટેની બહુજનહિતાય સેવા બની રહી છે, અને ઉત્તરોત્તર પ્રગતિ કરી રહી છે … તેજ તેમના માટે શ્રધ્ધાંજલિ.
    કાલિદાસ વ. પટેલ {વાગોસણા}

આપનો પ્રતિભાવ :

Name : (required)
Email : (required)
Website : (optional)
Comment :

       

Copy Protected by Chetan's WP-Copyprotect.