સુવિચારો – સંકલિત

(‘પ્રેરણાની પતવાર’ પુસ્તકમાંથી)

[૧] જેઓએ જીવનમાં સફળતા પ્રાપ્ત કરી છે, તેઓ બધા જ પુરુષાર્થવાદીઓ હતા. તેમણે ક્યારેય એમ નહોતું કહ્યું કે નસીબમાં હશે તેમ થશે. – એમર્સન

[૨] મારા જીવનની આનંદદાયક પળો બહુ ગણીગાંઠી છે જે મેં મારા ઘેર મારા પરિવાર સાથે વિતાવી છે. – થોમસ જેફરસન

[૩] દસ વર્ષ સુધી વાંચેલા સારાં સારાં પુસ્તકો કરતા પણ સજ્જન સાથેનો એક પ્રત્યક્ષ વાર્તાલાપ અધિક છે. – લોંગ ફેલો

[૪] માથું ભલે ગમે તે દિશામાં હોય, હૃદય સાચી દિશામાં હોવું જોઈએ. – સર વૉલ્ટર રેલે

[૫] મારી સફળતાનું રહસ્ય એ હતું કે હું મારા કામ કરવાના ખંડમાં કદી ઘડિયાળ રાખતો ન હતો. – એડિસન

[૬] માણસાઈનો દુકાળ દૂર કરવો છે તો તમે જાતે જ સારા માણસ બનવાનો આગ્રહ રાખો. – બંધુ ત્રિપુટી

[૭] કૅન્સરથી મૃત્યુ પામનારા લોકો કરતા ઈર્ષાથી મૃત્યુ પામનારા લોકોની સંખ્યા ઘણી મોટી છે. – જોસેફ પી. કેનેડી

[૮] તમારી ભીતરમાં રહેલા સમગ્ર નવા ખંડો અને જંગલોના કોલંબસ તમે બનો. નવા વેપારમાર્ગો નહીં વિચારમાર્ગો ખોલો. દરેક મનુષ્ય એવા સામ્રાજ્યનો સ્વામી છે જે સામ્રાજ્યની આગળ ઝારનું સામ્રાજ્ય તુચ્છ છે. – થોરો

[૯] પાવર પોઈન્ટ પ્રેઝનટેશન કરતા પરિવાર વધુ અગત્યનો છે. – ચેતન ભગત

[૧૦] બધું આપી દઈશ તો ખાઈશ શું ? એ આસુરી વિચાર અને બધું ખાઈ જઈશ તો આપીશ શું ? એ દૈવી વિચાર. – ગૌતમ બુદ્ધ

[૧૧] આ દુનિયા દુર્જનોની દુર્જનતાથી જેટલી નથી પીડાતી, તેટલી સજ્જનોની નિષ્ક્રિયતાને લીધે પીડાય છે. – રોમા રોલા

[૧૨] માનવી અંદરના ગર્ભ કરતા બહારની છાલ માટે વધુ ઝઘડે છે. – જર્મન કહેવત

[૧૩] કિંમત એ છે જે તમે ચૂકવો છો અને મૂલ્ય એ છે જે તમે મેળવો છો. – વોરન બફેટ

[૧૪] જો તમે વસ્તુઓને જોવાનો દ્રષ્ટિકોણ બદલી શકો તો જે વસ્તુઓને તમે જુઓ છો એ પણ બદલાઈ જશે. – વેન ડાયર

[૧૫] જે હાથ ભૂંસી શકે છે તે જ સાચી વસ્તુ લખી શકે છે. – મેઈસ્ટર એકહાર્ટ

[૧૬] દરેક વ્યક્તિ દુનિયા બદલવા ઈચ્છે છે પરંતુ પોતાની જાતને બદલવા માટે કોઈ તૈયાર નથી. – લિયો ટૉલ્સ્ટૉય

[૧૭] જીવનમાં ઘણા સાદા નિયમો સ્કૂલમાંથી નહીં પણ ડાહ્યા માણસો પાસેથી શીખવાના હોય છે. – કાંતિ ભટ્ટ

[૧૮] હું નિષ્ફળતાને સ્વીકારું છું પરંતુ ફરીથી પ્રયત્ન ન કરવાની વૃત્તિને સ્વીકરતો નથી. – માઈકલ જોર્ડન

[૧૯] માનવતાની આંખ એ માઈક્રોસ્કોપ જેવી છે. દુનિયા હોય એના કરતા પણ મોટી બનાવી દે છે. – ખલિલ જીબ્રાન

[૨૦] સફળ વ્યક્તિ એ છે જે તેના પર બીજા દ્વારા ફેંકવામાં આવેલી ઈંટોનો ઉપયોગ કરીને પોતાનો પાયો મજબૂત કરે છે. – ડેવિડ બ્રિંકલે

[૨૧] સંપત્તિ, સત્તા અને દક્ષતા માત્ર જીવનના સાધનો છે, ખુદ જીવન નહીં. – ડો. સર્વપલ્લી રાધાકૃષ્ણ

[૨૨] તમે બાળકને મેઘધનુષ બતાવતા હોવ ત્યારે કામ તમારી રાહ જોઈ શકે છે, પરંતુ તમે કામ પૂરું કરો ત્યાં સુધી મેઘધનુષ તમારી રાહ નહીં જુએ. – પેટ્રસિયા કિલફોર્ડ

[૨૩] જે પોતાના માટે જીવે છે તે મરી જાય છે. જે સમાજના માટે મરે છે તે જીવતા રહે છે. – અન્ના હજારે

[૨૪] મેલા અને ઢંગધડા વિનાના કપડાથી જો આપણને શરમ આવતી હોય, તો પછી મેલા અને ઢંગધડા વિનાના વિચારોથી પણ આપણે શરમાવું જોઈએ. – આઈન્સ્ટાઈન

[૨૫] મોટા ભાગના લોકો એ ક્યારેય નથી શીખી શકતા કે જીવનનો સૌથી અગત્યનો હેતુ એને માણવાનો છે. – લેટિન કહેવત

[૨૬] જ્યારે કોઈ ગુનેગાર નિર્દોષ છૂટી જાય છે ત્યારે ન્યાયાધીશ ગુનેગાર બની જાય છે. – લેટિન કહેવત

[૨૭] એક સારો નિર્ણય જ્ઞાન પર આધારિત હોય છે આંકડાઓ પર નહીં. – પ્લેટો

[૨૮] બીજા લોકોને ધન માટે મરવા દો, હું તો પૈસા વગરનો અમીર છું. – લોર્ડ કાલિંગવુડ

[૨૯] ઊંઘ આવે ત્યારે ઊંઘી જાઓ, પરંતુ જાગૃત અવસ્થાની એક પણ ક્ષણ નકામી વેડફશો નહીં. – વિનોબા ભાવે

[૩૦] જૂના ધર્મો કહે છે જેને પ્રભુમાં શ્રદ્ધા નથી તે નાસ્તિક છે. નવો ધર્મ કહે છે જેને પોતાની જાતમાં શ્રદ્ધા નથી તે નાસ્તિક છે. – સ્વામી વિવેકાનંદ

·  Print This Article ·  Save article As PDF ·   Subscribe ReadGujarati