બે ગઝલ – નરેશ ડોડિયા

(‘મહોતરમા’ પુસ્તકમાંથી સાભાર. રીડ ગુજરાતીને આ પુસ્તક ભેટ આપવા બદલ ગૂર્જર ગ્રંથરત્ન કાર્યાલયનો ખૂબ ખૂબ આભાર. પુસ્તક પ્રાપ્તિની વિગતો અંતે આપવામાં આવી છે.)

મહોતરમા(૧)

આગ દિલમાં લાગશે તો એકદમ ઠરશે નહીં
રોજ બળતી આગની જ્વાળા કદી શમશે નહીં.

કરકસર ના હોય, જે માંગે એ દિલથી દે ભલા
પ્રેમ છે, એ આપવથી કોઈ દિ’ ઘટશે નહીં.

સાવ અણઘડ હોય છે શરૂઆત જેના પ્રેમની
એ જ માણસ અંતની વાતો કદી કરશે નહીં.

સાંજ પડતાં રોજ ખુશબૂ સમ શું ફેલાતું હશે ?
એ પવનની જાત જેવી છે નજર ચડશે નહીં.

ભાવ સાથે જ્યાં ભરોસો હોય તો એ પ્રેમ છે
એ ‘મહોતરમા’ વિના બીજે કશે મળશે નહીં.

(૨)

શાંત એવી એક ક્ષણમાં આવ તું,
મનમાં આ એકાંત કણમાં આવ તું.

ભાવતા ભોજનની માયા ક્યાં રહી,
એક ઉપવાસીના રણમાં આવ તું.

હોય જિગર પ્રેમમાં પોલાદનું,
રૂપને બદલીને ઘણમાં આવ તું.

કોઈ કારણ ચાહવાનું ના મળે,
વેદના આપી ચલણમાં આવ તું.

ઓ ‘મહોતરમા’ મને મળવું પડે,
છેવટે મારા મરણમાં આવ તું.

[કુલ પાન ૯૪. કિંમત રૂ. ૮૫/- પ્રાપ્તિસ્થાન : ગૂર્જર ગ્રંથરત્ન કાર્યાલય. રતનપોળનાકા સામે, ગાંધી માર્ગ, અમદાવાદ-૩૮૦૦૦૧. ફોન. +૯૧(૭૯)૨૨૧૪૪૬૬૩]


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous આપણું સુખ આપણા હાથમાં છે – અવંતિકા ગુણવંત
જ્યોત સે જ્યોત જલે… – કાલિદાસ વ. પટેલ Next »   

3 પ્રતિભાવો : બે ગઝલ – નરેશ ડોડિયા

  1. કાલિદાસ વ. પટેલ {વાગોસણા} says:

    નરેશભાઈ,
    નવા વિષય સાથેની તાજગીસભર ગઝલો આપી. આભાર. કલ્પના તો જુઓઃ પ્રેમનું જિગર હોય જો પોલાદનું … તો ઘણ બનીને આવ તું ! સલામ.
    કાલિદાસ વ. પટેલ {વાગોસણા}

  2. p j pandya says:

    કવિ પોતે લોખન્દનો વ્યવસ્ય કરે ચ્હે તો તેનિ રચના પન પોલાદિ જ હોય અભિનન્દન્

  3. sapna says:

    Very nice…

આપનો પ્રતિભાવ :

Name : (required)
Email : (required)
Website : (optional)
Comment :