ત્રણ કાવ્યો – ચિંતન આચાર્ય

(રીડ ગુજરાતીને પ્રસ્તુત કાવ્યો મોકલવા બદલ શ્રી ચિંતનભાઈ આચાર્યનો ખૂબ ખૂબ આભાર. તેમનો સંપર્ક c.acharya@ymail.com પર કરી શકાય્ છે. ચિંતનભાઈની કલમને ખૂબ ખૂબ શુભકામનાઓ)

૧) ‘ગામ’ યાદ આવે છે

ભૂતકાળના સ્મરણોનો સાદ આવે છે, કોણ જાણે કેમ મને ‘ગામ’ યાદ આવે છે,
રસ્તાને ઘેરેલાં ધાસની લીલોતરીને, મંદ મંદ વાયરાનો અહેસાસ આવે છે.

લીમડાનાં છાંયડે એ ઢોળેલો ઢોલિયો, સાથે નીરવ શાંતિનો સંવાદ આવે છે,
વડની વડવઈએ બાંધેલો હીંચકો, ને ફરી બાળક થવાની દરકાર આવે છે.

ખેતરના આભ ઉપર જામેલું વાદળું જોઈ, સોનેરી પાકનો ઉન્માદ આવે છે,
પર્વતની દેરીનો પ્રજ્વલિત દીવો ને, દૂર થતી આરતીનો રણકાર આવે છે.

કડ-કડતી ઠંડીમાં પાદરે જે કરતાં, એ હૂંફાળી તાપણીની ગર્માશ આવે છે,
રાત્રે ઉગેલી પેલી ભૂરી હવાઓ, પરોઢિયે ઝાકળનો સંગાથ લાવે છે.

વાડામાં બાંધેલી ભેંસને સતાવતા, હોલા ને કાબરનો કલબલાટ આવે છે,
ભાંભરતી ગાય તરફ દોડતું વાછરડું, જાણે માડીના પાલવનો વ્હાલ લાવે છે.

અંધારી રાતમાં ઉડતા એ આગિયા જોઈ, હારેલી આંખોમાં ચમકાટ આવે છે,
ભૂતકાળના સ્મરણોનો સાદ આવે છે, કોણ જાણે કેમ મને ‘ગામ’ યાદ આવે છે.

૨) વરસાદ છે

આ મહેક ભીનાશની, જો નક્કી આ વરસાદ છે,
છે હવામાં લાગણી, જો નક્કી આ વરસાદ છે.

સુક્કી ભઠ્ઠ આ ચામડીમાં કૂંપળો ફૂટી રહી,
સળવળે છે ગરદનો, જો નક્કી આ વરસાદ છે.

નામ કાગળનું હવે બદલાઈ ને હોડી થયું,
બાળકો છે ગેલમાં, જો નક્કી આ વરસાદ છે.

છત્રીઓની ભીડમાં આ કોણ જે ઉદાસ છે ?
છત વગરની ઝૂંપડી, જો નક્કી આ વરસાદ છે.

ગર્જનાઓ આભ આજે શાનથી કરતું રહ્યું,
ભેંસની ભાંભર કહે, જો નક્કી આ વરસાદ છે.

થાય છે તૈયાર આજે બે બળદની જોડીઓ,
ફાળિયા મલકાય છે, જો નક્કી આ વરસાદ છે.

આ ધરાની તૃપ્તતામાં પણ ઘણો ઉન્માદ છે,
વાદળીની આંખ ભીની, નક્કી આ વરસાદ છે.

૩) ઘરડું દફ્તર

આજે માળિયેથી એક ઘરડું દફ્તર મળ્યું છે, અચાનક જાણે મારું બાળપણ મળ્યું છે

કિનારીએ ટોચાં પડેલી ફૂટપટ્ટી, ને એની ઉપર ઇતરાતું કોણમાપક મળ્યું છે
સંચાની કેદમાં ફસાએલી પેન્સિલ, ને ધોળું ઘસાયેલું સુગંધીદાર રબર મળ્યું છે
આજે મળિયેથી એક ઘરડું દફ્તર મળ્યું છે, અચાનક જાણે મારું બાળપણ મળ્યું છે.

પીળા પડી ગયેલા પાનાવાળી નોંધપોથી, ને એમાં સાચવેલો પેન્સિલનો છોલ
કિનારીઓ ઉખડી ગયેલી પાટી, અને રંગબેરંગી ચોકનું એક બાક્સ પણ મળ્યું છે
આજે માળિયેથી એક ઘરડું દફ્તર મળ્યું છે, અચાનક જાણે મારું બાળપણ મળ્યું છે.

કાંચની ઘસાએલી એક બરણીમાં લખોટીઓ, ને એમાં મારો સફેદ મોટો કંચો મળ્યો છે
ચીરાયેલો લાલ દડો, તત્ત્ડીઓ ભમરડો અને બિલ્લા વળી જાળનું ગૂંચડુય મળ્યું છે
આજે માળિયેથી એક ઘરડું દફ્તર મળ્યું છે, અચાનક જાણે મારું બાળપણ મળ્યું છે.

એક જોડી મોજાં, કાણાંવાળી બુઢીયા ટોપી અને સફેદ સ્વટેર જે હવે પીળું થઈ ગયું છે
વર્તમાનના અનુભવે જે વારંવાર જોતો હતો, એ રમણીય નાદાન સ્વપ્નું મળ્યું છે
આજે માળિયેથી એક ઘરડું દફ્તર મળ્યું છે, અચાનક જાણે મારું બાળપણ મળ્યું છે.


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous સાવ સાદો સવાલ – દિનકર જોષી
બધું જ છે… – નયના શાહ Next »   

14 પ્રતિભાવો : ત્રણ કાવ્યો – ચિંતન આચાર્ય

  1. કાલિદાસ વ. પટેલ {વાગોસણા} says:

    ચિંતનભાઈ,
    ત્રણેય કવિતાઓ મજાની રહી. આજકાલ ” રોટલાને હાટું ” મજબૂરીથી શહેરમાં આવેલા અને અથાક પરિશ્રમ બાદ શહેરમાં ઠરીઠામ થયેલા, અને હજુ પણ ગામ અને શહેરમાં વહેચાઈ ગયેલા વડીલોને પોતાનું માદરે વતન ” ગામ ” યાદ ના આવે તો જ નવાઈ !
    શૈશવનાં સંભારણાં — ઘરડા દફ્તરમાંથી — અચાનક ફૂટી નીક્ળ્યાં, જે વાંચી-માણી મુખમાંથી અનાયાસ નીક્ળી ગયુંઃ તેહીનો દિવસા ગતાઃ

    ભૂલસુધારઃ ટાઈપની ઘણીબધી ભૂલો — મળિયેથી { માળિયેથી }, ઢોળેલો {ઢાળેલો}, ફાળિયા {ફળિયા}, કાંચની {કાચની}, તત્ડીઓ {તડ્તડીયો}, વળી {વાળી} … ટાઈપ કરીને એક વાર વાંચી લેવાથી આવી ભૂલો દૂર કરી શકાય.
    કાલિદાસ વ. પટેલ {વાગોસણા}

    • Chintan says:

      કાલિદાસભાઈ ,

      ત્રણેય કાવ્યો વાંચવા અને આપનો અભિપ્રાય આપવા બદલ ખુબ-ખુબ આભાર. તમારી જેમ મેંપણ ટાઈપીંગ ભૂલો જોઈ, પણ પોસ્ટ કર્યા પછી. હવે પછી ચીવટથી વાંચ્યાપછીજ પોસ્ટ કરીશ. ધન્યવાદ. 🙂

  2. Hitesh Patel says:

    સ ર સ ગામ ની યાદ

  3. Kiran says:

    વાહ

    All the three are nice. But, best is…

    નામ કાગળનું હવે બદલાઈ ને હોડી થયું,
    બાળકો છે ગેલમાં, જો નક્કી આ વરસાદ છે.

    છત્રીઓની ભીડમાં આ કોણ જે ઉદાસ છે ?
    છત વગરની ઝૂંપડી, જો નક્કી આ વરસાદ છે….

  4. Rajeshwzri says:

    Khub saras trane y kavyo.
    Chintan bhai Tamari kalam ne vacha malti rahe evi shubh kamna.

  5. Jayesh says:

    લાગણીસભર કાવ્યો.

  6. Kiran says:

    Traney rachanao adbhut chhe .

  7. sujit says:

    તમારી કાવ્ય છે ખુબ સરસ ,
    મારી ભૂતકાળ ને યાદ કરાવી,
    તમારી કાવ્ય છે ખુબ સરસ ,

આપનો પ્રતિભાવ :

Name : (required)
Email : (required)
Website : (optional)
Comment :