સ્વ. મૃગેશ શાહને શબ્દ અંજલી – સોનિયા ઠક્કર

આજે ફરી એ જ તારીખ આવીને ઉભી રહી જેણે ચાર વર્ષ પહેલા આપણી ભાષા પાસેથી એનો અદનો ચાહક, સ્વયંસેવક અને સમર્પિત દીકરો ઝૂંટવી લીધેલો. સાહિત્યના નામે જ્યારે આજે અસંખ્ય સર્જકો અને પ્લેટફોર્મ ઊભા થયા છે, જે ગમે તે બધું જ સાહિત્યને નામે પીરસાય છે ત્યારે સાચા દિલથી પોતાની બધી જ ઈચ્છાઓ અને અપેક્ષાઓને સાહિત્યને અર્પણ કરી, ફક્ત અક્ષરની ધૂણી ધખાવનાર એની યાદ આવી જ જાય. એડીટીંગ, ટાઈપિંગના નામ પર પગારમાત્ર લઈ સાહિત્યને લોકો સુધી પહોંચાડવાની વાત કરનાર અસંખ્ય લોકો માટે મૃગેશ શાહ એક આદર્શ છે, હતા અને રહેશે…

ફેસબુક ઘણા સમયથી જૂની યાદોને વાગોળે છે, ત્યારે થોડા સમય પહેલા લોકોએ શેર કરેલા અનેક ફોટાઓ એક સજ્જનના કાર્યની પીઠ થાબડે છે. ખોટ તો કદી પૂરાશે નહિ પણ મિત્ર હોવાનો ગર્વ આજે પણ થાય છે. બધા જ એમને શ્રેષ્ઠ મિત્ર તરીકે આજે સ્મરે છે ત્યારે પુણ્યતિથિએ ફરી તેમનું સ્મરણ કરી લઈએ. પણ અમુક શ્રધ્ધાંજલિ શબ્દોમાં સમાતી નથી, આ શબ્દઅંજલીમાં ઘણું સમાવી શકાતું નથી.

યોગ્ય લેખની પસંદગી, ટાઈપિંગ, પ્રૂફ, પોસ્ટ, વાચકો અને સર્જકોના ઈ-મેઈલના નિયમિત જવાબ, વાચકો તથા લેખકો સાથે જીવંત સબંધ, વેબસાઈટનું સતત ઓપરેટિંગ – આ બધી જ કામગીરી એકલાહાથે કરવી આજના સમયમાં જરાય સહેલું નથી. હાલમાં અનેક લોકો વિવિધ કામગીરી સંભાળી સાઈટને ધબકતી રાખવા મથે છે ત્યારે એકલા હાથે સાત કોઠા વીંધતો અભિમન્યુ યાદ આવી જ જાય. સાતમા કોઠે જેમ એ પરાજિત થયો એમ સાહિત્યનો અભિમન્યુ હાર્યો… પણ તેણે કરેલું કાર્ય આજે પણ ટોચ પર છે. મેસેજ, ફોન, ઈમેલ તથા ફેસબુકથી યાદ કરતા ભાવકો તથા લેખકોએ આજ દિન સુધી પુણ્યાત્માને સ્મરીને વંદન કર્યા છે. આજે પણ એ જ દિવસ છે, એણે પોતે ખપી જઈને પણ સાહિત્યની પોતાની ધગશ જીવતી રાખી છે, અનેકોને એમનું કાર્ય ધબકતું રાખવા પ્રેર્યા છે.

અંતમાં એટલું જ કહેવું છે કે વ્યક્તિની ખોટ પૂરાતી નથી પણ તેના કાર્યોની સુવાસ કદીયે ઓછી થતી પણ નથી. આજે પણ ધનંજયકાકા નિયમિત લેખ પસંદ કરી ફોન કરે છે, પુસ્તકોમાંથી યોગ્ય સાહિત્ય ચયન કરે છે. રીડ ગુજરાતી નામના પ્રગટેલા દીપમાં તેલ રેડે છે. જીજ્ઞેશભાઈ અનેક મોરચે યુદ્ધ લડીને પણ સાઈટ અપડેટ રાખી, પોસ્ટ મૂકી એના સપનાને જીવંત રાખે છે.

‘મૈત્રીનો સૂર્ય’ પુસ્તકમાં મરીઝનું એક વાક્ય છે, ‘જેનો પતિ મરી જાય એને વિધવા કહેવાય, જેની પત્ની મરી જાય એને વિધુર કહેવાય, જેનાં માબાપ મરી જાય એને અનાથ કહેવાય, પરંતુ જેનો મિત્ર મરી જાય એને શું કહેવાય? આ પ્રશ્નનો જવાબ આપવામાં વિશ્વની તમામ ભાષાઓ એકસરખી રીતે નિષ્ફળ નીવડી છે.’ એક મિત્રને ગુમાવ્યાનો અફસોસ આંખમાં રહેશે પણ એમના મિત્ર હોવાનો ગર્વ ગરદન ટટ્ટાર કરશે.

પુણ્યતિથિએ ફરી એક વાર આંસુભીના સ્મરણ સાથે રજા લીધા વિના ગયેલા મિત્રની આત્માને શાંતિ મળે તેવી પ્રાર્થના…

મૈત્રી ભાવનું પવિત્ર ઝરણું મુજ હૈયામાં વહ્યા કરે…

– સોનિયા ઠક્કર


Email This Article Email This Article · Print This Article Print This Article ·  Save article As PDF ·   Subscribe ReadGujarati

  « Previous સાચી દોલત – નીરજ શાહ
વાસ્તુશાસ્ત્ર – મૃગેશ શાહ Next »   

7 પ્રતિભાવો : સ્વ. મૃગેશ શાહને શબ્દ અંજલી – સોનિયા ઠક્કર

  1. Mrugesh Bhai ne vandan

  2. Jaimin says:

    મૃગેશભાઈ સદાય યાદ રહેશે..

  3. રિડ ગુજરાતીના માધ્યમથી મૃગેશભાઈ શબ્દદેહે વાચકો સમક્ષ હાજર જ રહેશે. નમન.

  4. Vaishali Maheshwari says:

    Thank you Ms. Soniya Thakkar Ji for such a beautiful “shraddhanjali”. It is so true that words will never be enough to describe his loss. He is precious. (I deliberately wrote “is”, as he will always be with us.) He has touched so many lives in positive ways. He was such an inspiration and will continue to be one forever. In such young age, he achieved a lot and left an ever-lasting impression on all of us. He worked way too hard – single-handedly, just to share his love for Gujarati literature, to keep it alive and to continue to inspire new readers and writers.

    Many thanks to Shri Dhananjay Uncle and Shri Jigneshbhai for working so hard to continue living Lt. Shri Mrugeshbhai’s dream. Whenever I miss him a lot, I read his emails that are full of inspiration and wisdom, I remember all the conversations that I had with him on phone, which I never thought would end so soon 🙁

    May he rest in peace. May he be happy with the Gods. Om Shaanti.

  5. Ekta says:

    Mrugesh Bhai ne Pranam

  6. જવાહર says:

    સોનિયા ઠક્કરના લેખથી મૃગેશભાઈની સ્મૃતિ તાજી થઇ.
    મૃગેશભાઈ વિદેશમાં વસતા ગુજરાતિયો માટે એક મિત્ર, વિસામો, સમાજને જોડતી કડી, જીવને સારું લગાડે તેવા વ્યક્તિ હતા.
    ઈશ્વરે તેમને આટલ જલ્દી શા માટે બોલાવી લીધા તે સમજની બહાર છે અને દુઃખદાયક છે.
    ઘણાએ તેમના readgujarati.com ને લીધે શાતા અને આનંદ મેળવ્યા હશે. ફક્ત પાંચ જ પ્રતિભાવો જોઈને સંસારની વાસ્તવિકતાનો અનુભવ થાય છે.
    દેહ છોડ્યા પછી જીવની ગતી શું થાય છે તે ખબર નથી પણ ગીતાજીને પ્રમાણ માનીને આપણને પોતાને સાંત્વના આપવી રહી કે “પુણ્યશાળી માણસો જે સ્થાન પામે છે ત્યાં લાંબો સમય રહ્યા પછી મનુષ્ય પવિત્ર અને સાધનવાળાને ઘેર જન્મે છે. (૬.૪૧)”
    પણ મૃગેશભાઈને આપણા વચ્ચેથી લઇ જઇને ઈશ્વરે ખોટું કર્યું હોય તેમ લાગે છે.

  7. Avani says:

    Mrugeshbhai ni Punyatithi ee emane shat shat naman. Ane emna sapanao ne haju sudhi jiavant rakhava badal khub khub abhar.

આપનો પ્રતિભાવ :

Name : (required)
Email : (required)
Website : (optional)
Comment :