અગત્યના કામકાજસર આજે મંગળવારે અને આવતીકાલે બુધવારે – એમ બે દિવસ રીડગુજરાતી પર નવા લેખો પ્રકાશિત કરી શકાશે નહીં, તેની નોંધ લેશો. ગુરુવારે નવા બે લેખો સાથે ફરી મળીશું. વિશેષમાં, ગુજરાતી કેલેન્ડરમાં ટેકનિકલ કારણોસર તિથિ અને અન્ય માહિતી જોઈ શકાતી નથી, જે ટૂંક સમયમાં દૂર થશે. અસુવિધા બદલ ક્ષમા કરશો.

આભાર.

લિ.
તંત્રી, રીડગુજરાતી.

બદલાતા સમય સાથે નવા નવા ઉપકરણો બજારમાં આવતા રહે છે. ટેકનોલોજીનું ક્ષેત્ર સતત નવા શિખરો સર કરતું રહે છે. આ પરિવર્તન સાથે કદમ મિલાવીને ચાલવું જરૂરી છે, અને સાથે એટલું જ જરૂરી છે આપણાં સનાતન મૂલ્યોને સાથે લઈને ચાલવાનું. રીડગુજરાતીનો ઉદ્દેશ છે અદ્યતન ટેકનોલોજીનો ઉપયોગ કરીને આપણું સનાતન સાહિત્ય સૌના હૈયા સુધી પહોંચાડવાનો. આ માટે જરૂરી સુવિધાઓનો ઉમેરો સતત થતો રહે છે. આ હેતુસર તાજેતરમાં જ ‘ગુજરાતી કેલેન્ડર’ અને ‘સર્ચ’ની સુવિધાઓ નવા સ્વરૂપે ઉમેરવામાં આવી છે.

પરંતુ છેલ્લા ત્રણેક મહિનાથી અનેક યુવા વાચકોના ઈ-મેઈલ, ફોન અને એસ.એમ.એસ. મને સતત મળ્યા રહ્યાં કે ‘મોબાઈલમાં રીડગુજરાતી સરળતાથી વાંચી શકાય એ માટે કંઈક કરો.’ આ બધા ઈ-મેઈલમાં સૌથી વધારે ઈ-મેઈલ હતા ‘Android’ પ્રકારના મોબાઈલ અંગે. એ પછી થોડી ઘણી તપાસ કરીને આ બાબતે શું થઈ શકે તેની માહિતી મેળવી અને ત્યારબાદ હમણાં થોડા દિવસો અગાઉ ‘ટેકનિકલ સહાયતા’ શીર્ષક હેઠળ કેટલીક વિગત આપની સમક્ષ મૂકી હતી. મને એ જણાવતાં આનંદ થાય છે કે બે-ત્રણ વાચકોએ ખૂબ રાહત દરે આ અંગેની એપ્લિકેશન તૈયાર કરવાનું બીડું ઝડપી લીધું છે અને એ માટેનું કાર્ય શરૂ પણ થઈ ચૂક્યું છે. પરંતુ આજે આપને આ બાબત અંગે જણાવવાનું મુખ્ય કારણ એ છે કે આ કાર્ય માટે જરૂરી મોબાઈલ તેમજ અન્ય સાધનોનો ઈતર ખર્ચ આશરે રૂ. 15,000 જેટલો થવા જાય છે. આપ સૌ જાણો છો કે રીડગુજરાતીની તમામ પ્રવૃત્તિઓ માત્ર સૌ વાચકોના યોગદાન પર આધારિત હોય છે. આથી, આ વિશેષ કાર્ય માટે સૌ વાચકમિત્રોને યથાશક્તિ યોગદાન પૂરું પાડવા નમ્ર વિનંતી છે. આપણું આ પગલું કદાચ અનેક યુવાનો સુધી ગુજરાતી સાહિત્યને લઈ જવામાં મદદરૂપ નિવડશે એવી શ્રદ્ધા છે. જે કોઈ વાચકમિત્રો યોગદાન આપવા માંગતા હોય તેઓ અહીં ક્લિક [Click Here ] કરીને ઓનલાઈન, મનીઓર્ડર કે ચેક દ્વારા પત્ર-પુષ્પ રૂપે કંઈક મોકલી શકે છે.

મોબાઈલ આવૃત્તિ માટેની આ એપ્લિકેશન હાલ તો નિર્માણ હેઠળ છે પરંતુ એ એપ્લિકેશન કેવી તૈયાર થશે તેની એક પ્રારંભિક ડિઝાઈન, માત્ર આપની જાણ ખાતર અત્રે પ્રસ્તુત છે :

આપ સૌના સહકારની અપેક્ષા સહ,
લિ.
મૃગેશ શાહ
તંત્રી, રીડગુજરાતી.
+91 9898064256

અન્ય લેખોનું સમીક્ષા તેમજ ટાઈપિંગનું કાર્ય ચાલી રહ્યું હોઈને આજે એક વિરામ લઈશું. આવતીકાલથી નવા બે લેખો સાથે ફરીથી મળીશું. વિશેષમાં એ જણાવવાનું કે મોબાઈલ પર રીડગુજરાતી વાંચવા માટે સતત વાચકોના પત્રો મળતા રહે છે. રીડગુજરાતીની મોબાઈલ એપ્લિકેશન તૈયાર કરવાની હોઈને આ કાર્યમાં સહાયતા કરી શકે તેવા પ્રોગ્રામિંગ ક્ષેત્રના વાચકમિત્રો કૃપયા અહીં નીચે આપેલા ઈ-મેઈલ પર સંપર્ક કરે તેવી વિનંતી છે. Java, Symbian, Android કે અન્ય પ્રકારની મોબાઈલ એપ્લિકેશનના અનુભવી મિત્રોની મદદ માટે નમ્ર અપીલ છે.

આભાર સહ,

લિ.
મૃગેશ શાહ
તંત્રી, રીડગુજરાતી

ઈ-મેઈલ : shah_mrugesh@yahoo.com
મોબાઈલ : +91 9898064256

લિ.
મૃગેશ શાહ
તંત્રી, રીડગુજરાતી
+91 9898064256

વિ.સ. 2067ના અંતિમ દિવસ એટલે કે આ દિપાવલીના પર્વની આપ સહુને તથા આપના સૌ પરિવારજનોને શુભકામનાઓ. આખું વર્ષ જેમના ચરણોમાં બેસીને આપણે શુભ વાંચન, મનન અને ચિંતન કરીએ છીએ એ માતા સરસ્વતીને આજના મંગલ દિને ભાવપૂર્વક વંદન કરીએ.

પ્રતિવર્ષ દિવાળીના દિવસો દરમ્યાન રીડગુજરાતી પર કંઈક રમૂજી અને હાસ્યલેખો આપણે માણતા હોઈએ છીએ. પરંતુ ચાલુ વર્ષે સર્વરની સમસ્યાઓ અને તેની આંતરિક ચકાસણીને કારણે ઘણો સમય સાઈટને નિયમિત કરવામાં વ્યતિત થયો છે. હાલ પૂરતી આંતરિક રીતે હવે કોઈ સમસ્યા નથી. દેશ-વિદેશમાં લગભગ બધી જ જગ્યાએ સૌ વાંચી રહ્યા છે. જો કે ઘણા નિયમિત વાચકોનો ક્રમ તૂટ્યો છે પરંતુ આ કાર્ય દિવાળીના વેકેશન દરમ્યાન જ કરી લેવું વધારે હિતાવહ હતું કે જેથી નવા વર્ષમાં આપણે પુનઃ નિયમિત રીતે નવા લેખો માણી શકીએ. આમ, ટેકનિકલ કાર્યને કારણે સ્થગિત કરાયેલા ઘણા બધા નવા લેખો, નવા વર્ષની શરૂઆતથી જ પ્રકાશિત થતા રહેશે અને આપણે હંમેશની જેમ સાહિત્યના વિવિધ સ્વરૂપોનું પાન કરતા રહીશું.

આવતીકાલથી શરૂ થનારા નવા વિક્રમસંવત નિમિત્તે ફરી એકવાર સૌ અહીં મળીશું અને ત્યારબાદ 31 ઓક્ટોબર, એટલે કે જ્ઞાન પંચમીના દિવસથી નિયમિત બે લેખો માણતા રહીશું. ફરી એકવાર, આપ સૌને દિપાવલીના પર્વની હાર્દિક શુભકામનાઓ.

લિ.
મૃગેશ શાહ
તંત્રી, રીડગુજરાતી.