પ્રવાસવર્ણન

જવાબદાર પ્રવાસી બનવું સહેલું છે! – હિરલ પંડ્યા

દિવાળીનું વેકેશન એટલે હવે ઘણાંખરા પરિવાર માટે ફરવાનો અવસર. બિઝનસ સ્ટાન્ડર્ડના એક અહેવાલ મુજબ ભારતમાં અને વિશ્વના પ્રવાસન નકશામાં પ્રવાસી તરીકે ગુજરાતીઓ મોખરે છે. રૂપિયાનું અવમૂલ્યન કે મંદી પણ ગુજરાતીઓની ફરવાની આદત પર અસર કરી શકી નથી. ભારતની બહાર જનારા પ્રવાસીઓમાં ૩૦%થી વધુ ગુજરાતી છે. ભલે ગુજરાતીઓ પ્રવાસી તરીકે પંકાયેલા છે, પણ એક જવાબદાર પ્રવાસી તરીકે આપણી છાપ બહુ સારી નથી. હિરલ પંડ્યાનો પ્રસ્તુત લેખ મુસાફરી માટેની આપણી આ મોસમમાં ખૂબ ઉપયોગી વાત કહી જાય છે.

મોઝામ્બિક, ભારે કરી હોં! (પ્રવાસલેખ) – ચિંતન આચાર્ય

“ધ પેરાડોક્સ ઓફ ચોઇઝ – વ્હાય મોર ઇઝ લેસ” અમેરિકાના માનોચિકિત્સક શ્રીમાન. બેરી સ્ચ્વાર્ત્ઝે ૨૦૦૪ માં લખેલા આ પુસ્તક દ્વારા એવી દલીલ કરેલી કે માણસ પાસે જ્યારે પસંદગી માટે વધારે વિકલ્પ હોય, ત્યારે તે મૂંઝવણનું કારણ બને છે. ‘પ્રવાસ વર્ણન’ લખવાનું નક્કી તો કર્યું પણ સાથે જ એવો વિચાર આવ્યો કે ૨૦૦૮થી માંડીને આજ સુધી, નોકરી અર્થે મને-કમને એટલા બધા આંતરરાષ્ટ્રીય પ્રવાસ કર્યા છે; તેમાંથી ક્યા પ્રવાસ વિષે લખવું? ઘણાબધા વિકલ્પને લીધે ખૂબ મૂંઝાયો, પછી એવું નક્કી કર્યું કે જીવનના સૌ પ્રથમ આંતરરાષ્ટ્રીય પ્રવાસ વિષે લખવાની શરૂઆત કરી દેવી.

ગોવા : આકાશને મળીએ દરિયા પાર.. – મીરા જોશી

જીવનમાં ક્યારેક લાંબી ઉડાન ભરવા માટે પહેલા હળવું થવું પડે, લાંબો કૂદકો મારવા માટે બે સ્ટેપ પાછળ પણ હટવું પડે.. સપ્ટેમ્બરમાં કરેલ હિમાચલના ટ્રેક બાદ બીજા ટ્રેકિંગ પર જલ્દીથી જવાની, કુદરતનો ખોળો ખૂંદવાની મને અને સખી ડિમ્પલને અદમ્ય ઈચ્છા હતી. પરંતુ દિવાળીની રજાઓ અને ઉપરથી બજેટનો પ્રોબ્લેમ એટલે ફાઇનલી નક્કી થયું – જેટલું બજેટ છે એમાં એક નવા સ્થળે ફરવા જવું.. અને વિશલીસ્ટમાં જે બહુ છેલ્લે હતું એના પર પસંદગીનો કળશ પહેલો ઢોળાયો.. એ ‘ગોઆ’. ટ્રેકિંગ કરો કે ફરવા જાઓ, ધ્યેય તો વિશાળ પૃથ્વી પર ફેલાયેલી કુદરતને જોવા – માણવા – સમજવાનું જ હોય ને!

હમ્પ્ટા પાસ ટ્રેક, હિમાચલ – મીરા જોશી

કોણ જાણે કેટલાયે કાળથી અખંડ ઉભા છે આ પહાડો ને વૃક્ષો.. કોણ જાણે કેટલાયે કાળથી નિરંતર વહ્યે જાય છે તૃપ્ત કરનારી આ નદી ને ઝરણાં, ને કેટલાયે સમય ખંડમાં વહેંચાઈને છૂટા પડેલા છે આ ખડકો.. અહીં આવો તો અનુભવાય કે જાણે અહીંની હવા રાહ જોઈ રહી છે, એના સાચા કુદરત પ્રેમીના આવવાની..!

ફરી એકવાર પ્રકૃતિપ્રેમી એવા અમે હું અને સખી ડિમ્પલ નીકળી પડ્યા કુદરતને ખૂંદવા, કેટલાય સમયથી પાંગરેલી એક ઝંખનાને હકીકતનું સ્વરૂપ આપવા. પણ આ વખતે ગુજરાતની બહાર. હા, હિમાચલની દેવભૂમિને અમે અમારું ટ્રેકિંગ સ્થળ પસંદ કર્યું.

નર્મદાને તીરે તીરે – જયંત રાઠોડ

(‘અખંડ આનંદ’ સામયિકના જુલાઈ, ૨૦૧૬ના અંકમાંથી સાભાર) રોજના ક્રમ મુજબ મિત્રો બાગમાં એકઠા થયેલા. હું અને મારો મિત્ર અરવિંદભાઈ કોઈ પ્રવાસની રૂપરેખા આપી રહેલા. નર્મદા નદીને કિનારે એક સાધના કેન્દ્ર ખુલ્લું મૂકવાના પ્રસંગે હાજર રહેવાનું આમંત્રણ મળેલું. સ્થળ હતું રાજપીપળા પાસેનું નાનકડું ઓરી ગામ… રાત્રીની ટ્રેનમાં નીકળવાનું. સવારે વડોદરા. ત્યાંથી બસ દ્વારા રાજપીપળા. રાજપીપળાથી ઓરી-સિસોદ્રા-શિનોર-માલસર-નારેશ્વર-કબીરવડ. […]