બહુ મઝા પડે – ડૉ. રક્ષાબહેન પ્ર. દવે

[બાળગીત : ‘બાલમૂર્તિ’ સામાયિકમાંથી સાભાર.]

આ મામા ચંદર, આપણા ઘરની અંદર,
જમવા આવે તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.

ટોપલી ટાંગી ઊંચી, એમાં ચકલી ચીંચીં,
માળા બાંધે તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.

આ મોરલો મીઠો, કળા કરતો દીઠો,
પીછું આપે તો ? તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.

આ પતંગિયું લીલું, પેલું રાતું પીળું,
હાથમાં આવે તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.

પીઠે પટ્ટા વાળી ખિસકોલી રૂપાળી,
રમવા આવે તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.

પૂજામાં જે કાનો, બેઠો છાનો માનો,
વાંસળી વગાડે તો ? બહુ મઝા પડે.
બહુ મઝા પડે, બહુ મઝા પડે, બહુ મઝા પડે.